2017年4月21日至4月22日
今日，我犯咗一個低級錯誤：
我見車飛book咗9:50，咪諗住8:30先食早餐囉，
原來Super Hotel早餐時間8:30就完架嘞！
好彩職員都俾我哋入去嗱嗱聲食少少嘢至閂門，
食完就慢慢行去松本駅，預備搭車返名古屋嘞！
車到嘞！呢程車要兩小時多，12:01到名古屋。
我成日話俾人聽我無去過名古屋架，係路過咋，
係まるや本店令我印象最深，今次嚟encore，
好彩午餐時間唔算多人排隊，好快就到我哋。
發現團友好鐘意食甜蛋，追加一份先。
主角登場嘞！鰻魚飯定食。
店面寫住「OやMaruya」，即係名古屋在地人嘅意思，
第一次嚟食鰻魚飯，簡直有驚為天人嘅感覺，
以前我唔係太鐘意食鰻魚飯，但係呢次經驗令我改變咗，
我第一次明白咩嘢叫做外脆內軟嘅感覺。
喺名古屋食鰻魚飯有特別嘅「鰻魚飯三吃（ひつまぶし）」文化，
首先將飯分成四份，
第一吃：原味，先感受剛烤好嘅鰻魚美味；
第二吃：加入佐料，可以按自己喜好加上蔥花、紫菜、Wasabi等；
第三吃：加入熱湯，自製泡飯。
其實仲有第四吃，
就係將餘下嘅飯按自己喜好喺以上三吃之中揀一種，
我自己都係最鐘意食原味嘞！
第二個令我記得名古屋嘅，就係千里馬嘞！
我哋已經唔係購物狂，都喺度買咗幾粒鐘呀！
去酒店check in，經過上次經驗，再住J- Hotel。
間房夠曬大又近Aeon Mall，今次仲平每位4500円唔包早餐。
起程囉，去最後衝刺啦！
常滑好多貓嘅陶瓷，連Aeon Mall都有巨型招財貓。
最後一夜，因為大家要趕住買嘢，隨便去一間餐廳啦！
行程完滿結束，起筷啦！多謝各位配合同體諒。
漫漫長夜要執行李，一定要買定宵夜啦！
回程嘞！等車搭名鐵去機場，行李......算輕手啦！
再見！昇龍道，有人話呢條線好悶，我就覺得幾好玩嘞！
FB群組見好多朋友都鐘意嚟呢度買蝦片，仲買返香港團購添，
我又嚟湊吓熱鬧，入番幾包先！
去觀景臺睇吓飛機，話咁快就九日嚕。
以前唔鐘意食飛機餐，後來搭得廉航多，而家變得珍惜。
今次除咗一般藥房嘢，就係買嘢食，蕃薯薯片好香好好食。
喺白川鄉買嘅味噌花生糖，好味！
卡樂B雞翼味薯片，可以想像雞翼本身係無味嘅，只係......味精。
都係白川鄉買嘅黑芝麻脆片，好味！
消脂可樂，純粹廣告效果，無乜特別。
手信佳品：蝦片雜款獨立包裝，都幾好食。
手信佳品：蝦片雜款散裝，呢款更好味，自己食買呢款更好。
朱古力蝦片，都好味。
特價品，香蕉豆乳，我鐘意嘅組合，不過未開唔合味道如何。
KitKat季季都推出不同口味朱古力，今次係日本酒，
講真，真係唔好味，鬼叫自己次次都中伏咩！
沒有留言:
張貼留言