2017年1月31日
已經連續玩咗咁多日，今日應該係家長嘅喜訊，
因為，團長宣佈，今日嘅行程係：無行程，哈哈哈......
咁我就同兩個小朋友去泳池邊hea吓先。
但係有小朋友嘅地方，又點會俾你咁嘆呢？
佢哋已經做曬熱身要落水嘞！
係咪每個小朋友都一樣嘅呢？妹妹又覺得自己識游水嘞！
泳池細細又係室內見唔到陽光，似乎唔係幾match泰國氣氛，
不過小朋友真係好簡單，咁已經游得好開心嘞！
先去Terminal 21食午餐，俾大家見識吓咩叫做食平嘢，
大家親身試到十零廿蚊可以食個餐，都覺得堅係抵喎。
食完晏，兩位小朋友一齊玩吓泰鼓，好開心。
之後就四圍行吓街啦，一站去National Stadium食雪糕，
呢間叫Icedea，即係ice-cream同idea嘅意思，
上次嚟食過榴槤雪糕覺得好掂，所以今日要同屋企人嚟試吓。
家姐上次食過嘞！今日嚟encore，好味！
朋友唔食榴槤，所以試吓牛排餐啦，
好靚呀！個麵包同香蕉係真嘅，但係件排係雪糕嚟架！
妹妹俾足戲，開餐嚕！
另一個朋友就order呢排牙，搞笑！
今晚大家唔想再出去搵嘢食嘞，反正住apartment有齊廚具，
所以去supermarket買嘢返去煮，食得好自在，
呢餐係家庭團喺曼谷嘅最後一餐晚餐，好味！
沒有留言:
張貼留言