2017年2月2日
今日，最後一位團友會喺香港搭早機嚟會合我哋，
一個女子喺朝早搭的士嚟，真係要小心啲，
第一個泰國司機即刻獅子開大口，於是朋友落番啲行李再搵車，
終於搵到一架價錢合理嘅，不過都塞咗好耐車至嚟到，
嚟到已經係中午，咁我哋就出發去食雪糕啦！
Icedea，我哋又嚟嘞！朋友仲帶埋個真榴槤去伴碟添，笑死！
今次我唔食榴槤又唔据排，我揀咗食日式炸豬排，其實都係雪糕嚟架！
之後大家去行吓商場，見到啲藝術裝置好有型噃！
不過個藝術家似乎唔係幾鐘意我哋喺道影相，影埋呢張識做啦！
跟住去Central Festival間Supermarket買手信，
第一日會合就買到成車都係，唔怕拎餐死咩？
唔駛怕，因為有免費送貨服務，直接送返酒店架！
泰國最麻煩就係交通，今晚想搵車去頌通，
喺Central門口有好多的士招手，但係感覺全部都係騙子咁，
後來其中有一架話可以坐曬7個人，梗係開高價啦，
不過既然可以一車坐曬，就費事再周圍格價啦！
終於去到頌通嘞，喺好多群組都話呢道係必食，點可以唔嚟？
我哋好早到，所以即刻有位，走果時見到門口已經好多人等位嘞！
第一晚人齊食大餐，飲杯，預祝行程順順利利，開開心心！
傳聞中嘅頌通，中式海鮮餐，我覺得味道可以，價錢唔算貴。
頌通隔離係Big C Extra，比Big C更大，又無乜遊客，
又買嘞喂！第一晚就想買齊手信，真經典！出發嘞！
沒有留言:
張貼留言