2017年1月27日
酒店房間並唔大，但係勝在地點方便，就喺Holiday Inn隔離，
而且酒店2014年至開，都仲好新淨，房價公道，都算抵住啦！
揀呢間酒店最主要嘅原因，就係呢個泳池嘞〈圖片取自官網〉，
由於未肯定天氣適唔適合同埋時間配唔配合去水上樂園，
咁就要book一間有小型滑水梯嘅酒店俾小朋友玩吓啦！
上次住過Centara Grand Mirage Beach Resort
Pattaya，
個水上樂園真係超正，不過就太貴嘞，而且地點又太僻，
所以今次一於試吓呢間啦！
早餐都唔錯，幾多嘢食。
除咗室內有好多嘢食，室外又有魚蛋湯河。
食完早餐，妹妹急不及待要去戲戲水嘞！
玩一陣就去認識吓酒店先啦，泳池邊有個小型足球場。
小型足球場旁邊就係兒童遊戲室。
有個小型波波池，仲可以睇吓卡通片咁啦！
第一站先去「芭提雅3D幻覺立體美術館 Art In Paradise」，
喺香港訂定飛會抵啲，大約每位港幣$46入場費啦！
戲王之王兩姐妹，表演時間，開始！
玩咗差不多兩個鐘，跟住行去Central Marina食嘢。
最近重新開幕，戶外休憩地方好舒適，裏面都有不少食肆。
大家都好肚餓嘞！食個遲來的午餐啦！
食完午餐就梗去Big C shopping啦，之後就返酒店玩水嚕，
妹妹好大膽，完全唔怕水，雖然好凍但係都玩得好開心喎！
其實呢道好細，連個大水桶都細過人，
不過兩個小朋友都玩得好開心噃。
妹妹太細過，咁就派家姐去玩長果條滑水梯啦！
突破自己，終於瀡咗落嚟嘞，只係飲呠幾啖水啫，哈哈......！
呢個人就天不怕地不怕，成日想自己衝出去玩水。
唔知係水溫太低定水唔乾淨，妹妹游到成身都係紅疹，
於是，就算幾唔捨得，都要同泳池講bye bye嚕。
返房沖吓涼再瞓吓晏覺，一瞓醒原來已經夠鐘嘞！
今晚訂咗飛睇Tiffany show，位置就喺我哋酒店後面，
又係喺香港訂定飛，比起現場買平好多，$110一位，
我已睇過幾次，所以我無睇，送一家四口到場就自己四圍行吓。
等到差不多完場，再返去大門等，見到大班人妖出嚟，都好靚喎！
找亮點，呢張相都好現實吓！
合照100銖一張，我哋啲大人應該唔會做嘅事，
但係無辦法啦，小朋友們真係覺得好靚喎，咪影囉！
妹妹超級鐘意呢個「姐姐」，並唔係因為佢個樣，
而係鐘意佢個頭飾，睇吓妹妹個視線同眼神？
影完相就去對面唐人街食飯。
食完飯又返Central Marina，因為要食甜品嘛！
但係點解妹妹咁唔開心呢？
嘩！話說係北海道沙冰喎！
妹妹好快又開心返嘞！
仲有第二個，係朱古力Pancake。
原來唔開心係啱啱同爸爸拗交喎！
要佢哋影相記錄低呢件事，兩個都交足戲噃！
臨返酒店前，經過路邊買咗燒豬返去做宵夜。
沒有留言:
張貼留言