2017年1月29日
踏入第四日，要離開芭堤雅嘞！真係好唔捨得呀！
今日我哋又係租娜姐嘅車，我哋執好行李喺大堂等車嘞！
雖然唔係娜姐車我哋而係派其他司機嚟，
但係娜姐好專業，上車前會打電話嚟問吓架車有無準時到達，
又會再三交代司機今日行程，果然係服務周到呀。
第一站去Swiss Sheep Farm，一個好大嘅農場，
入面有幾間小舖，但係都無人嘅，妹妹就入去同bear bear影張相啦。
家姐就最鐘意架啦！
大家排排坐好，每人揸住一紮草，預備去餵羊仔嚕！
餵吓羊仔食草又餵吓羊BB食奶然後探吓草泥馬，好好玩。
呢道好多影相場景，
嘩！咁大隻鞋，家姐都可以坐入去喎！
妹妹見到草泥馬公仔，要同佢一齊合照先。
玩咗兩個鐘，上車去下一站：食午飯！
嘩！日光日白就食海鮮，好奢侈呀！
因為呢道係海邊餐廳，梗係要應吓景食海鮮啦！
環境咁鬼浪漫，應該黃昏嚟至啱，可惜我哋要趕番出去曼谷啦！
或者坐喺道飲吓嘢，睇吓海都好寫意喎！
另一邊，有唔同嘅座位，都好舒適。
小朋友應該鐘意呢啲位啦！
下午無乜人嚟，我哋差不多可以包場。
食完飯爸爸同前世情人去行沙灘，好浪漫喎！
水清沙幼，肉眼已經可以見到魚仔，伸手都好易捉到。
可惜太熱，只可以玩一陣咋。
之後去KK Zoo，兩位小朋友都好鐘意小動物，完全唔怕近距離接觸。
兜兜轉轉塞吓車，終於返到曼谷酒店啦！
曼谷我哋住Centre Point Hotel Chidlom，想住得舒服啲，
所以我book咗兩間Executive Suite Room，有張超大床。
洗手間都夠大。
呢個係客廳，好大，兩個人都用唔曬。
我最鐘意嘅設施，玩咁多日，都佢可以減輕行李嘅負擔。
另一邊係書檯，我每晚都喺呢個位埋數架。
會合埋今日剛剛落機嘅兩位香港朋友，就一齊出去食飯嚕。
沒有留言:
張貼留言