2017年2月3日
今日包車去玩，今次試吓KK Day，都唔錯，
車又大，座位舒適，冷氣充足，司機都好好人，
唯獨是唔可以中文溝通，事實上佢英文都麻麻，
不過智能電話萬歲，司機會用電話上網search圖同我哋溝通！
我呢班朋友除咗鐘意shopping同食嘢，都好鐘意睇景，
今日主要景點：大城，佢曾經係古泰國最輝煌時期嘅首都，
喺網上見到啲相，覺得好靚，好想親身見識一下，出發嚕！
參觀邦芭茵夏宮有服裝限制，唔可以著小背心或短褲以示尊重。
第一站係「邦芭茵夏宮」，
喺17世紀，泰國首都就係大城王朝，
而夏宮就係國王夏日渡假嘅地方，
後來緬甸人入侵所以焚毀咗，
直到19世紀再開始重建。
由於19世紀西方文化大量傳入泰國，
所以夏宮融合咗泰式、維多利亞式同哥德式等嘅建築風格，
呢個係少有嘅中國風建築物。
夏宮好寧靜，處處都可以睇到好氣勢有嘅建築物。
第二站，係最古老嘅寺廟，崖差蒙空寺
呢道係大城府最古老嘅建築物，最出名就係寶塔同埋臥佛，
呢道係大城府最古老嘅建築物，最出名就係寶塔同埋臥佛，
上到塔頂會睇到許願井，
聞說如果將錢幣拋到中間個木框就會願望成真，
不過我無上去影唔到相添。
第三站：瑪哈泰寺。
呢個地方令我感覺好震撼，尤其係四圍都有啲無頭嘅佛像，有啲恐怖又有啲悲壯，呢道本來係一個佔地廣闊嘅皇室建築，但係後來受到緬甸軍的嚴重摧毀，而家已經無乜完整嘅建築同佛像剩低，網上資料話，當年緬甸軍為咗得到瑪哈泰寺中佛像同佛塔身上嘅鍍金，就用大火燒啲佛像，黃金同石像因冷縮熱賬而身首分離、手腳斷裂，形成而家呢個咁蒼涼嘅畫面。
呢個地方令我感覺好震撼，尤其係四圍都有啲無頭嘅佛像，有啲恐怖又有啲悲壯，呢道本來係一個佔地廣闊嘅皇室建築，但係後來受到緬甸軍的嚴重摧毀，而家已經無乜完整嘅建築同佛像剩低，網上資料話，當年緬甸軍為咗得到瑪哈泰寺中佛像同佛塔身上嘅鍍金，就用大火燒啲佛像，黃金同石像因冷縮熱賬而身首分離、手腳斷裂，形成而家呢個咁蒼涼嘅畫面。
瑪哈泰寺嘅打咭位就一定係「樹中佛陀」啦！
呢個佛頭居然生長喺不斷生長嘅無花果樹根之中，
當然佢都有一個傳說啦，網上資料話，
當然有盜墓者搶走黃金後，將呢尊大佛個頭隨意拋下，
而佛頭剛好卡住喺棵無花果樹根旁邊，
經歷多年，樹木長大，
基於對佛像嘅尊重，如果要同「樹中佛陀」合照的話，
記得要彎一彎身，個頭千祈唔好高過佛像呀！
其實之後仲去咗一個古蹟，不過一來同司機溝通唔到，
而且成日都睇到差不多嘅建築，不過又無中文簡介喎，
所以呢道我哋都無買票入場，只係喺門外影吓就算嘞！
今晚去Chocolate Ville食飯。
大門口整得靚靚，淨係喺道影相都影咗好耐。
無咩自己主題，乜嘢公仔都有啲炒埋一碟，好有泰國文化。
如果有小朋友嚟，可以玩吓充氣彈床區。
嚟到仲未天黑，周圍都有好多坐位，
不過係先到先得，無得訂位。
呢道地方好大，可以招呼好多客人，
可能係熱門旅遊景點，越夜越多旅行團入嚟。
可能係熱門旅遊景點，越夜越多旅行團入嚟。
洗手間係唯一有冷氣嘅地方，但係亦係最最最多蚊嘅地方，
真係一秒都不能逗留呀，唯有快快出門外等啦，
話時話，洗手間門外個石像好有動感好傳神喎！
有泰菜又有西式，叫到一檯都係，大家都食到好飽呀！
我哋走果時啱啱開始天黑，而人都越來越多嘞！
回程最後一站本來係返Siam Discovery食甜品，
但係大家都好飽而且都好想再去買手信，
於是臨時改地點，好彩司機哥哥真係好好人，
二話不說就車我哋去shopping，抵讚！
沒有留言:
張貼留言