2016年12月26日
第四日，開始遠離熱鬧嘅購物點嘞！
要代購嘅朋友們，怕且都幫你哋唔到lu！
個人嚟講，對溫泉區、溫泉酒店、溫泉街情有獨鐘，
喺編排行程時，我會盡量搵個溫泉嚟浸吓，
今次就住要用呢張「高山、北陸地區周遊劵」，
所以揀咗去下呂溫泉。
先報告super
hotel個免費早餐先，麵包好香好好味。
飲品部，款式都幾多吓。
熱食選舉唔算多，不過免費喎，仲想點啫？
呢個得意，係柑配柑醬，都幾好味架。
淨係沙律醬已經有咁多選擇，無hea做喎！
介紹番先，我個免費早餐呀！
食完早餐拉住行李去搭JR，好彩尋日劃好位，唔駛趕。
沿途風光好靚，啲水係綠色架，好期待呀！
搭咗2小時45分JR，終於去到高山站嘞！
站邊旁有coins locker，由於大家都好緊張，
怕大喼櫃位唔夠，所以個個都喺度鬥快搵位。
我哋先去濃飛巴士站，劃咗聽日去白川鄉嘅指定席先，
咁可以安心啲，用高山北陸Pass可以免費搭濃飛巴士架。
其實濃飛巴士站仲有Locker，不過大櫃貴100円。
對面馬路都仲有，而且仲好靚添。
訂完飛，走嘞！上到去見到大排長龍，原來要等安排入閘，
未見過咁大個站會欄住入口要排隊等入閘嘅。
解釋番先，係咪好奇怪呢，又搭番轉頭去下呂？
其實剛剛去高山純粹為劃位咋，反正將pass可以任搭JR，
因為我怕唔劃定聽日同後日無位嘛，咁訂咗民宿點算？
咪寧願用多少少時間專登去高山劃位囉！
事實上劃位時啲人跑嚟跑去又大排長龍都搞到氣氛好緊張。
今晚住湯快下呂温泉本館，
旅館喺半山，拉住行李上去都幾甘，
我哋來往JR站可以搭呢架shuttle bus，
無需預約，而且，係免費嘅！
等咗一陣，車到嘞，司機會再確認一下你住邊間，
因為湯快喺下呂有本館同別館，而佢哋分別相對喺兩個山頭。
到達大堂，順利Check in，好快趣。
雖然今晚間房細細哋，但係裏面居然有電腦喎！
見到溫泉用品喺道等我就開心曬啦！
公用設施好好，而且仲好大方，呢個係其中一個Lobby。
另一個Lobby都好大，真係好適合渡假慢活。
大堂旁邊有電腦區，之前我見有個伯伯喺度同電腦捉棋。
免費仼玩Play Station，呢個真係第一次見。
漫畫室，我見有啲人直情拎返房睇添，可惜我唔識日文。
溫泉旅館一定有嘅手信舖。
溫泉旅館一定有嘅遊戲機中心。
呢道有個自選浴衣區，可以選你鐘意嘅花色。
除咗有大、中、小，仲有特小，
呢啲咪有心囉，有了解東方女子需要囉。
酒店仲有好多嘢玩架！有免費乒乓球同卡拉OK！
呢個正，免費任玩按摩椅，我玩咗兩次。
免費腳底按摩同小腿按摩機，係佢哋救番我對腳架。
呢邊張床應該係推銷品，寫明只係日本國內適用。
出街嚕，大門外有足湯，隨時可以嚟對住個靚景浸浸。
而家先落山認識下呂，去到車站，見到處都有呢類水泉，
啲遊客行過都會洗洗手，要小心，係熱架。
車站旁有個旅遊中心，如果有足夠時間，
不妨喺呢道買呢個「手形」，1300円，
可以喺指定名單內自選三間溫泉入去浸吓。
開始行吓條冷冷清清嘅溫泉街。
真係好冷清，無咩好行。
隨街都有足湯。
連手信舖裏面都有足湯。
嘩！終於見到令人心動嘅嘢喇！
係超級好味嘅飛驒牛呀！
我唔客氣啦！呢間係我呢幾日食過最好味嘅一間。
行完無咩好玩嘅溫泉街，沿路返酒店lu，
經過呢條小溪，見到前面有個地方俾人浸戶外裸湯喎！
呢條路都幾有心思，應該係用呢度每一家嘅手印做嘅。
Hea一陣坐吓按摩椅就去開餐嘞！今晚食自助餐。
雖然唔算特別豐富！但係起碼有長腳同甜蝦吖！
甜品中，下面中間個咖啡啫喱係超級驚喜，
仲有提供咖啡伴侶添。
食飽，梗係去⋯⋯浸啦！
好啦！成日話佢抵，有幾抵呢？
一泊二食，只係每人8500円咋，即係唔駛$580，係咪抵先！
沒有留言:
張貼留言