2017年1月26日
妹妹開始長大，經常問點解家姐可以跟我去旅行而無佢份，
於是，今年農曆新年就決定近近哋地曼谷玩一轉啦！
咁啱機場開咗合味道工作坊，啱曬小朋友玩，就去玩吓啦！
睇吓一個專注一個開心，抵玩吖！
轉個圈圈入個麵先，好似幾好玩咁噃！
我揀好曬幾種餸同個湯底嘞。
好心急呀！得未呀？快啲啦！
登登登櫈，一人一杯，一共五杯。
一場嚟到，影張大合照先啦！企前面，夠曬chok呀！
坐呢個位可以睇到飛機架，好C服呀！
家姐個post仲舒服，好似好多嘢諗咁喎！有咩少女心事呀？
妹妹又點會甘心於坐喺窗邊睇飛機呢？都係電視好睇啲。
登機嚕！搭泰航，個餐好似係辣架，不過妹妹都食曬喎！
下午3點機，泰國時間4點45分到機場，
包車即刻去芭堤雅，住Pattaya Ocean Resort，地點好方便。
我估所有小朋友去到酒店都係咁興奮架嘞！
去到酒店已經晚上8:00，好想快啲check in番房呀！
嘩！可以入房嘞，快啲換夏天衫啦！要出去行吓呀！
酒店後面就係second road，好近唐人街，
附近有好多小食，一見到呢個香蕉pancake就開心曬！
家姐最鐘意食甜嘢，呢個pancake啱曬佢啦！
今次包車經驗好好，我哋識咗個香港女司機娜姐，
佢份人好爽朗，但係又好細心，我哋一直都溝通得好好，
出發前我哋一直都用whatsapp聯絡，係中文，
有時會用廣東話錄音，又或者直接用whatsapp通電話，
娜姐車我哋到芭堤雅酒店後，再出去幫我哋買宵夜，
然後再揸電單車送食物俾我哋，真係感動，
咁的確係令剛剛land又未熟路又攰又餓嘅我哋方便好多。
我哋點咗「密洞雞」同椰汁燕窩，都OK好味架！
仲有個芒果糯米飯，呢啲梗係必食啦！
食飽沖涼瞓番夠，聽日開始去玩嚕！
沒有留言:
張貼留言