2017年1月28日
晨早起身,從房個窗口望落去,會睇到泳池,
早上天氣清涼,又無陽光曬到,都係不宜落水喇!
小朋友真係好簡單,去個都幾簡陋嘅遊戲室都好易開心。
休息一下就搭的士去Harbor Pattaya,呢個係今日個目標,
呢棟係全芭堤雅最大一站式一家大細都啱玩嘅室內娛樂城。
未入正題前,先喺樓下shopping吓先,定姐買咗個頭匝。
上到JUMP XL,門口係免費試玩,入面就收費囉,
大家都有興趣,我哋諗住玩咗樓上先,一陣再入場跳彈床。
主要目標係呢道:Harbor Land,記住一定要自己帶對襪呀,
大人入場180銖,由於小朋友至係主角,佢哋反而要3百幾銖架。
可能係我哋算早到,又或者農曆新年唔係旺季,
個場都好靜吓,呢個係嬰幼區,去到果時都未有人。
近入口處有一間間房,可以一家人自己入去打吓波。
哈哈......有姿勢,無實際嘅表表者,連投十幾球都入唔到。
入到去個兒童區超級好玩,真係可以玩足三粒鐘架!
各式各樣大大小小攀爬活動,對小朋友嚟講好有歷奇feel。
兩個唔同年齡層嘅小朋友,喺道玩到超級回本啦!
最後衝刺,狂跳彈床,放曬電啦,今晚一定好好瞓啦,
家有精力充沛嘅小朋友的話,勁推呢道呀,
玩到攰曬,之後我哋都直接skip咗Jump XL嚕!
離開Harbor Pattaya行前少少有間Big C Extra,
我哋唔係去買嘢呀,係喺佢對面等爽條咋。
搭到去Central Festival,shopping一下之後,就去睇埋日落。
日落之後去食飯嚕,點解小朋友咁興奮呢?
因為佢等梗機械人嚟送餐吖嘛!
呢啲餐廳唔好期望會好食,但係小朋友們就好開心囉!
沒有留言:
張貼留言