2015大阪想賞櫻〈上〉

2015年4月6日，出發嚕！

今次主題係睇櫻花，但係另一重要任務係......

幫各位鄉親父老入貨，出發時12.6KG，好輕咋！

今日搭燒賣。

話咁快到埗，大家都肚餓嘞，喺機場是但食啲嘢先。 

今次頭尾都係住京橋駅Hotel Monterey La Soeur Osaka，

呢間係Japanican訂，間房好大好四正，

最後一日再番嚟係喺Booking.com，間房就細好多嘞！

 先去心齋橋行吓，行到攰晒就搵吓食啦！

 第二朝瞓醒，打開窗望吓，樓下已經見到櫻花嘞！

 搭京阪電鐵去到八幡市，出發去實現第一個目標先。

 出咗閘，轉右手邊有啲賣便當嘅舖頭。

 但係我哋要轉左手邊，已經有好明顯嘅指示啦！

 嘩嘩嘩！呢道就係背割堤嘞！如果天色好一定好靚啦！

 其實已經過咗滿開嘅時間，所以遊人好少。

間中都會有啲開得勁靚架！

如果配上藍天白雲就好啦！ 

 天氣好的話，可以坐喺地下野餐，食住壽司賞櫻。

可惜天氣不似預期，而且櫻花已經開始...... 

 番落京橋，就近近哋食個松屋啦！

今次呢班團友都係樸樸實實又對食唔講究嘅，

所以佢哋就好鐘意呢道嘞！

返酒店拎番3日行李，跟住出發去池田嘞！

今晚我哋住「不死王閣溫泉旅館」，

可以喺佢facebook道約定shuttle bus時間，
個工作人員係識中文架。 

揀呢道係因為佢係好近市區嘅溫泉旅館，

而且一泊二食都算平， 每位12570円。

 朋友怕醜唔敢浸大眾浴場，
所以就幫佢book咗間有私人風呂嘅房。

 換好衫例牌影一大輪相，就去食晚餐啦！兒童餐OK喎！

 咁大人個餐就更加得啦！

 飽到震呀，抖一陣就去浸溫泉啦！

 浸一浸，真係特別好瞓，

第二朝起身食個豐富半自助早餐先。

上半場完。