我又嚟嘞雪雪雪雪......北海道〈第十二至十四天〉

我又嚟嘞雪雪雪雪......北海道〈第十二至十四天〉

1月1日至1月3日，星期四、五、六

瞓醒食個先助早餐，落去Lobby坐坐先，好有新年氣氛喎。

 有伯伯即場做年糕派俾大家食。

〈留意，後面啲禮物已經清晒嘞！〉

 走嘞！層雲峽觀光酒店。

 尋晚先臨時book shuttle bus，好彩仲有位啫！

 沿途見天氣好好，如果可以上黑岳就好啦！

 又係搭番落旭川，一日之差，今日天氣好好，雪停晒啦！

 之前已經嚟過幾次動物園，所以今次都無安排到。

又未夠鐘搭車喎，咪去shopping吓先啦！

見到啲Columbia雪鞋都係400蚊左加就有一對，真係好想買，

不過又驚行李超重，最後都係無買到，不過一直後悔囉。

返到札幌，食啲嘢又返酒店休息嘞。

第二朝一瞓醒，見到窗外嘅雪，真係好唔捨得呀。 

 今次喺札幌都係住Hotel Route Inn，經濟抵住又方便！

酒店就喺正札幌JR站對面馬路，地點超好呀！

 認得呢道嗎？今朝又去......？

 因為同事忽然whatsapp我話叫我幫佢朋友求個安胎御守。

因為今日仲係新年，所以神舍人頭湧湧好熱鬧噃。 

 兩邊擺滿小食攤位，食咩好呢？

 樣樣都咁吸引，食氣氛都值啦！

 最多人排隊最長龍嘅居然係中式蒸肉包。

 我就食咗呢個朱古力香蕉，上面有個五円分明係攞意頭啦！

本來想再買嘢食，可惜太多烏鴉，好驚拎住食物會被襲擊呀！

番落札幌，今日全日shopping day，探吓Kitty先。

跟住又去新札幌行吓，好多好多福袋，

雖然好鬼吸引，但係去到尾二一日已經無乜戰鬥力嘞！

而且花多眼亂都唔知買乜好，又怕超重所以最後都無買。

我決定下年要專登嚟買福袋，哈哈...... 

 行咗成日，又攰又剩，想搵啲之前未食過嘅。

 今日食湯咖哩，嚟咁多次都係第一次食咋。

 味道一般啦！不過以日本人嘅禮儀，我都係食晒嘅。

 執行李嚕，呢啲係幫朋友買嘅。

 呢啲係買俾大家嘅手信，話唔買唔買都係忍唔住買咗咁多。

 呢啲係買俾自己嘅，B仔袋低過半價喎，好難忍嘅。

 無無聊聊嘅小食呀咩呀果啲啦！最開心咪買咗個燜燒杯囉！

終於執掂晒，第二朝食今次旅程最後一次早餐嘞。 

 早啲出機場啦！要先搭去關西轉機喎。

 今次都好驚險，差啲上唔到機，最後一刻啱啱趕到。

 內陸機Jetstar，喺磅行李時都嬲嬲哋，算啦！無超重就算啦！

話咁快就14日嘞！好懷念呢兩星期嘅生活，

我仲有好多嘢未玩架，所以，我會再嚟架！