我又嚟嘞雪雪雪雪......北海道〈第十一天〉

我又嚟嘞雪雪雪雪......北海道〈第十一天〉

12月31日，星期三

今日住嘅商務酒店，係有免費早餐嘅，

唔好有要求的話，都早餐水準都OK架！

當然個士多啤利係自傋架啦！

食飽就離開尋晚住嘅呢間東橫INN嘞！

同兩個香港女仔講再見，我哋就上JR嘞！今次劃到指定席喎！ 

不過有無都無分別，因為成架車無乜人基本上係任坐。 

 長途車梗要有兩手準備啦！〈其實都唔算好長途啫〉

 中午13:20就到咗旭川啦！個車站裝修好靚咗喎。

 出去一睇，到好大雪呀！拉住行李都有少少麻煩添！

 下一站係去等酒店shuttle bus，上車地點係Smile酒店門口，

睇吓我喺大雪中探路，幾有意思！

 搵到嘞搵到嘞！行到過去車站啱啱好。

 搭上一架全滿嘅shuttle bus，大約一小時車程就到酒店嘞，

今晚住層雲峽觀光飯店，check in時都好多人喎！

 大堂擺滿禮物，因為今晚係大除夕吖嘛！

 搞一輪終於可以入房嘞，房間唔算細，

但係感覺好落後，唔夠電制，有啲舊，床又好窄......

 朋友唔舒服，咁我就自己一個出去探吓路先啦！

 去到觀光案內所，睇吓有乜資料幫到手先，

因為我想聽朝去黑岳，下午搭巴士去旭川或者上川。

巴士站就正正喺觀光案內所前而，等車都唔怕凍啦！

不過不幸嘅係，因為聽朝係新年，所以好多路線都停駛。 

 咁我返去匯款一下，就決定：去食飯嚕！

 一泊二食，每位大約$900，以除夕仲要住溫泉嚟計，OK啦！

 食物一般，我已經好滿足架啦！

飲飽食醉，係時間去做指定動作......浸一浸嘞！ 

 無街行，無嘢玩，好彩仲有由細陪到我哋大嘅「紅白」啫！