2015聖誕除夕關西城崎食買浸〈七〉

1月2日〈第七日〉
今日第一站去梅田，太早嘞！商場都未開門，食個早餐先啦！

晨早空氣，清神開朗........等開門中。

第一站去阪急三番街，幫朋友買嘢。

開嘞！要影曬啲多啦A夢俾佢揀，呢期做梗多啦A夢cross over KT。

呢個杯好靚，可惜我已經有另一款啦！忍住手呀！

真係好襯呀佢哋，上次老友買唔到靜香，今次居然有貨喎！

即刻影張相俾佢對比吓先，兩張相有咩唔同呀？

然後去隔離幫同事買美少女戰士嘅product。

呢家嘢我真你唔係好識佢，唯有係咁影，睇吓佢想買乜？

最可憐係，我成日要同啲11, 12歲嘅妹妹仔講：唔該借借，

然後先可以迫到埋去睇，好似一個變態呀姨咁。

所以呢，我唔介意幫人買嘢，但係以後要有原則......

呢隻兔兔都有福袋，入面有好多文具精品咁，
今年買唔到Hello Kitty，咁就買佢啦！姪女s一定好開心啦！

買咗一個上午，我又去排隊嘞！排到頭位嘞，即係就到我啦！

係呀！係布甸狗主題餐廳呀，就算唔係Fans嘅我都食得好開心呀！

我哋坐到梳化位喎！真好彩呀！

其實得幾種選擇架咋，都好嘅，唔駛煩，呢個飯真係人見人愛呀！

朋友食意粉，雖然無咁有特色，不過就幾好味。

仲有呢個咖哩飯，都係立體造型架！

如果無人陪你食飯，唔駛擔心，布甸狗會陪你架！

食完就走得架嘞！佢會善後。

我有朋友陪食飯，所以今日唔駛布甸狗陪嘞！我唔客氣啦！

今日仍然係福袋日，經過尋日新年假期，今日商場已全面開市賣福袋。

大家都出盡力大聲叫賣，仲熱鬧過行花市呀。

休息一陣，放低啲戰利品，就去咗最新地標阿倍野，
見到周圍都係福袋，乜嘢種類都有，買之前真係要做吓功課先，
最後，我哋都掃咗幾個福袋。

今日買到無曬能量，求求其其食food court把啦！

返到民宿大曬冷，有小童中童類福袋：

衣服類：

呢袋髮飾都係福袋嚟，成袋都係500円咋！我覺得好抵喎！

仲有好多靚靚精品，多數都係幫人買嘅。

個兔兔精品開袋嘞！小朋友實鐘意啦！

買俾自己嘅！

藥房貨品，多數幫人買嘅，我覺得自己好似水貨客呀。

排好隊影張大合照，等朋友仔認領你哋返屋企啦！