第二朝瞓醒，食個早餐先。
不過餐廳好滿坐，所以坐戶外，環境幾好架，
其實嚟得泰國，我都唔係怕熱一定要坐室內果隻，
但係室外真係好多蚊同烏蠅，
好啦！到第三日死都要排到室內為止，
點知室內仲勁多蚊滋，
雖然食物種類算多，但係就唔係幾enjoy到囉！
我覺得室內食物種類多啲。
食完之後，大家返房換衫，預備玩水嚕！
呢道玩水區真係好大，要搵個無咁曬嘅位先。
酒店都安排咗好多活動，睇啱時間可以嚟參加吓。
玩到餓餓哋，可以叫嘢食架！
池畔酒吧，好Relax喎！
兒童戲水區，啱晒細路哥，不過又唔係好多人玩咋噃！
我哋最鐘意嘅懶人河，呢兩日hea咗喺道好耐吓。
呢個係大人池，小朋友唔可以游架，
要俾番啲寧靜嘅空間大人架嘛！
另一個大朋友活動就係：跳水！
睇佢哋真係好刺激喎！
酒店後面仲有私人沙灘，不過沙粗又大浪，
玩沙游水都唔係幾啱架嘞，不過個景都可以嘅！
玩完水抖吓，又約埋玩吓桌球，不過點解無波架？
緊係啦！樣樣都要錢架，我哋就借咗乒乓波囉！
呢兩日出嚟搵食都唔係幾方便，
因為行出路口截爽條都唔係幾方便。
第一日就嚟到Hilton食嘢行街。
門口有個小小市集，我班團友好似鐘意呢道多啲。
第二日就去Mike行吓，都唔明點解以前嚟會覺得好好行嘅？
後門，我記得以前跟團時，會喺呢道集合架。
行到信不信由你博物館，都係一個地標。
行去對面馬路，有一間幾靚嘅泰國餐廳，
呢道可以一邊食一邊睇傳統泰國舞表演添。
以為係貴嘢，但係原東唔係噃，
叫到成檯食物，都係幾百蚊港紙咋！
第二晚哋選擇去food court，想食乜就食乜！
行行重行行，都係想搵到佢，期間限定榴槤雪糕新地。
就算唔鐘意食榴槤嘅朋友，
都一定可以喺道搵到啱自己口味嘅雪糕架！
最後一日，要離開酒店嘞！
離開先爭取時間，去玩吓模型飛機先。
大家平時無乜機會坐定定，唯有等車至會坐得咁好咋！
芭堤雅，再見啦！
沒有留言:
張貼留言