離開溫泉旅館，搭Shuttle bus落番池田，
去到池田，梗係唔會錯過即食麵發明館啦！
小朋友發揮創意嘅時間到嘞！
呢個係佢嘅最愛，畫功......好有童真喎！
其實可以參與嘅部份都唔多，
工作一：畫杯；工作二：入麵。
工作三：揀餸。
最後：入袋泵氣。
不過咁，上機前都係要放氣，而家泵嚟都係玩吓啫。
完成：巡例影張相啦！
二樓有親子團，不過要預約架。
喺即食麵發明館玩完後，出去梅田食個晏先。
然後去下一間酒店check in嘞！
嚟梗兩晚都係住hotel Kintetsu Universal City。
三人房都算寬敞，每人每晚8500円，
不過除咗方便去USJ玩之外，真係無乜特別。
房間佈置睇唔到卡通元素，唯有洗手間有少少囉！
仲有每位住客都有小禮物一份。
爭取時間再去心齋橋行吓，行到無晒電，食壽司囉！
抖足精神，第二朝入去USJ玩餐飽啦！
好似呢期好興芝麻街噃！
第一站去哈里波特朝完聖，然後去探蜘蛛俠。
講真我對USJ無咩興趣，所以我就無乜玩，
都係陪吓個老友啫，不過呢個老友都大個啦，
我估佢係最後一次玩啲咁小朋友嘅玩意嘞！
離開樂園，就喺門外商場食個晚餐，今日又完結嘞！
第二朝要走嘞！同哈里仔影張合照先。
今日開始用大阪周遊劵，諗住先去大阪城，點知落大雨，
咁唯有去NHK玩吓先啦，老友又好似幾鐘意喎！
又係周街搵食時間，可惜我唔吼鱆魚丸吖！
嚟親到要探吓佢......一蘭。
仲有甜品呢，啲雪糕真係好吸引呀！
哈囉，去坐吓Hep Five免費摩天輪先。
又食？佢話好好味喎！
夜晚梗要上嚟啦！空中展望台睇夜景都幾靚吖！
都話朋友愛松屋架啦！今朝試吓個早餐先。
跟住去坐天保山免費摩天輪。
開開心心完結想賞櫻之旅啦！
番屋企打開個喼，全部都係水貨。
排好隊，請各位同事朋友自己認領啦！
沒有留言:
張貼留言