2015年7月25日
今朝晨早機去泰國。
機場次次都有唔同佈置，今次居然用沙丁魚砌個佛祖出嚟。
又同兩個姪女一齊去旅行嘞！Yeah！咦~~都高過我喎！
港航仲有飛機餐食，要好好珍惜啦！
唔多好睇都唔多好食， 好過無啦！
手機大拍賣？
香港人，梗係第一時間換咭啦！
出閘！有車嚟接我哋喎！幾威！
搭咗個幾鐘，到酒店嘞！嘩！好豪華呀！
呢三晚住呢道：Centara Grand Mirage Beach Resort Pattaya。
Check in 時送咗welcome drink coupon，
可以選擇喺裏面幾間餐廳飲嘢，
入住期間自己揀時間去飲就得嘞！
大家都無心去飲嘢，因為我哋都急不及待番房吖嘛，
其實間房唔算好大，但係好多細微位好有心思。
最奇怪個洗手間同浴室係無門嘅，只有一條布簾咋。
另一個角度，有個無敵景觀大露台。
睇吓呢個小朋友，幾有氣質？
再行出啲，望吓窗外個無敵大海景先！
好想即刻落去玩吓呀！
放低行李，落去四圍探索吓先，餐廳......
公眾休憩區.............
好有氣勢嘅大堂......
四圍都好好hea......
等齊人，浩浩蕩蕩出去搵食嘞！
門口有好多爽條等客，唔駛問都知係劏客價啦！
咁我哋就決定沿路行出去，認識吓地形先。
好近就有一間食肆，見大家都肚餓嘞，
諗都唔駛諗就衝入去食晏啦！
其實食物真係幾唔錯，尤其是個炒通菜，讚！
不過有一個笑話：
話說大家都極熱極渴，於是坐低先叫可樂順一順氣先，
個侍應問我要大定細？我話9枝細啦唔該，
見佢表現非常疑惑，重覆問我幾次，我又重覆答幾次，
終於，可樂到嘞！原來，佢唔係太明英文，
以為我哋一枝細可樂9個人分.........
泰國旅遊業靠晒你嘞！真係要再培訓呀！
沿途行去海豚迥旋處，大約要20分鐘啦！
但我哋就起碼用咗30分鐘，因為又掃7仔又唱錢吖嘛！
第一站，去3D藝術館，大人細路開開心心影咗個幾鐘。
玩完一輪，去掃Big C，然後就去呢個小型夜市搵食嘞！
行程第一晚，大家起筷，唔駛客氣！
食完仲唔夠？再外賣幾個芒果糯米飯返去宵夜先，
大家今晚早啲瞓，聽日要去玩水嚕！
沒有留言:
張貼留言