2015聖誕除夕關西城崎食買浸〈四〉

12月30日〈第四天〉
一早起身，打開窗睇吓個景先，好鐘意呢個平靜嘅小鎮呀！

一早都係食殘廢費，飽到無朋友。

每人一份，好骨子，唔食得都睇得。

今日要離開，無得浸嘞！
拉住行李，享受最後風光，漫步去車站啦！

車站旁好多人喺道足浴，不過冬天我又唔想除鞋除襪咁麻煩囉。

車站旁有個遊客中心，有資料可以拎，原來有巴士來往城崎同大阪架。

就係呢啲旅遊巴嘞！都係一個幾好嘅選擇。

遊客中心裏面有一個大紅人，就係呢個機械人嘞！

今日要轉場返去市區，而且唔係住酒店，而係住民宿。
民宿喺長堀橋駅，都算方便。

第一次喺Airbnb訂民宿，我覺得算係一個幾好嘅經驗，
呢道雖然地方好細，三個人住都有啲勉強，
但係以我最後一刻先轉駄仲要有房仲唔太貴，滿意啦！

其實廚房都唔係我選擇嘅必要條件，因為都好少會用到，
反而係旁邊個洗衣機至係重點，係必需項目。

嗱！就係咁嘞，一眼睇曬，一個瞓床，兩個瞓地下。

行去心齋橋大約10分鐘，放低行李，剎呀！

呢期好紅嘅Pablo都有福袋？唔知裏面會有咩呢？

條人龍無想像中咁長，咁就排吓啦！
如果唔係點食得曬個list裏面啲嘢呀？

呢個好，一人一個啱啱好，可惜......可惜......

說真的，我個人認為，名過於實，唔明點解咁多谷友會推？

反而，每晚一款綠茶雪糕雪條就未失過手！