九州の夏2014第二天〈嵐山篇〉

九州の夏2014第二天〈嵐山篇〉

7月19日〈星期六〉

其實上年暑假又係嚟京阪，所以都無乜特別想去嘅地方，

主要睇吓朋友仔想去邊啦！

喺豪無planning嘅情況下，我哋決定先去嵐山搭小火車。

今次我無好詳細計車錢同時間，好隨心咁食完早餐就出發嘞！

一出閘就見到佢哋成副裝備去玩激流，好似好好玩咁喎！

沿途又見一片青綠色嘅農田，成個醒晒！

去到仲有兩分鐘就開小火車嘞，急急腳去買飛先！

好彩啱啱趕到啫！嵯峨野號列車，我哋又嚟嘞！

乜都無預備，梗係坐唔到呢卡啦！

沿途又見可愛嘅佢哋！

坐到嵐山站就落車，因為要去吸收大自然空氣嘛！

呢度啲栗子好大粒架，當然價錢都有番咁上下啦！

慢慢行，要用悠閒嘅步伐好好享受呢個假期先。

可惜竹林嘅路程好短，眨吓眼就行完噜！

離開竹林，經過天龍寺，天氣仲好好。

見到呢間賣毛巾嘅舖頭，我哋喺度消磨咗好多時間。

睇吓啲毛巾仔幾吸引？可惜身邊暫時無BB朋友，所以無買到。

呢度啲毛巾質哋好花式靚，仲可以繡名添，做手信一流！

又係手信時間，朋友仔專登要嚟買「梅」噃。

呢啲係罐頭麵包，聞說係大地震時發明方便送去災區嘅。

朋友仔都貪得意買咗，不過食後感極差喎！

頭先曬到死，忽然又落滂沱大雨喎，

應該係個天提我哋係時間搵食嘞！

都係果啲啦！日式定食。

食完飯四圍貢吓，我提出好想浸腳呀！

朋友都舉腳贊成，咁我就嗱嗱聲去買飛啦！

200円任浸，連埋毛巾一條，都幾抵浸架！

大家都好悠閒傾吓偈浸吓食吓嘢，

唔趕時間嘅話，都不失為一個好活動嘅。

成個檯底都係腳，真係好搞笑！

浸完就搭電車番出去，香港人嘛，乜都影一餐！哈哈！

行餐飽終於去到錦市場嘞，我要幫朋友買日本製嘅襪吖嘛！

呢度名為京都御所，朋友第一次嚟都好開心。

喺香港就桔魚蛋，呢度就桔魚生，好富貴呢！

好多炸魚餅，於是每人揀一款試吓！

芝心喎！不過係凍嘅，即係都唔係幾好食架！

朋友好鐘意入廚房，所以一定要到此一遊啦！

齋睇咋，無買架，點拎番香港呀？

又見桃子，我哋又點抵受得住呢個誘惑呢？買啦！

到錦天滿宮，無讀書所以無拜拜。

呢度真係好靚。

其實係咪夏祭呢？點解四圍都咁熱鬧嘅？

回程又去超市入貨，見到呢度有好多特別味道嘅雪糕：

香檳、蕃茄、櫻花、蘿蔔喎......我哋好勇敢，一於試吓啦！

又一車嘞！明知會後悔，但係我哋最後都係買咗！

飯後果，又豪華又好味！

今日食咗好多嘢，晚餐清清哋，食沙律啦！

喺嵐山車站足浴，係我一直想做嘅事，
如果可以踩埋單車遊嵐山，就更加完美嘞！