九州の夏2014第四天〈大阪篇〉

九州の夏2014第四天〈大阪篇〉

7月21日〈星期一〉

都話會後悔架啦！買咁多嘢食，最反咪又要自己清番晒！

住咗幾日，次次都要喺呢道搭車，真係有啲感情架！

搭車落梅田，要轉酒店嘞！

好熟面口哩，住過返尋味，係難波嘅一榮飯店呀！

飯店對面就係0101，shopping夠晒方便啦！

今晚都係三人一房，安置好行李，就要出發去血拚嘞！

先喺酒店附近行餐飽，買咗好多嘢，

然後又係食個食到眼定定嘅定食。

放好戰利品喺房之後，就再出發嘞！

搭到去心齋橋站，要shopping就買乜有乜啦！

到嘞到嘞！大家得半日咋，咪嘥時間，剎呀！

由天光買到天黑，攰到呢......

今次朋友介紹，買牙膏，都幾好用，下次再買。

仲有用咗好多年嘅Cream，雖然香港有得買，

不過一場嚟到，俾俾面買番盒啦！

KitKat一定要買啦！我最鐘意紅豆味！

最後一定要去激安之殿堂掃手信，食物類都好抵，

不過唔係樣樣都平架，一定要格價呀！

回程沿住千日前商店街行番去，都好近，慳番地鐵錢。

買到咁攰，食牛肉飯啦，平靚正喎！

返到酒店已經開好晒床，早抖嘞！

我唔係一個鐘意shopping嘅人，
每次去大阪都係找數時間：幫朋友買嘢！
無奈呢道算係必經之路，我編排只停一日都算絕啦啩！