九州の夏2014第五天〈福岡篇〉

九州の夏2014第五天〈福岡篇〉

7月22日〈星期二〉

一榮無包早餐，今日每人一麵包一飲品，簡簡單單！

再見嘞！下次有機會會再嚟架！

拉著行李過對面馬路，就係南海難波駅嘞，幾方便！

列車好有型，舒舒服服34分鐘就到機場嘞！

去到先搵郵局先，點解呢？唔係去寄信，

而係因為遲咗訂B-Mobile，所以要自己嚟攞，

其實我都唔明，送去酒店唔駛另收費，

反而自己喺機場攞就要另外收手續費喎！

對完證件，簽收，搞掂！

B-Mobile安裝容易，我自己覺得接收可以OK接受。

內陸機搭Jetstar，算最平，$540，機程1小時10分。

喺度搭廉航就好似搭巴士一樣方便。

平安抵達，兩個團友好好笑，未攞行李就直接行出去，

只係一門之隔，保安唔俾佢哋返入嚟，

最後唯有請保安哥哥代勞推行李啦！

福岡空港離市區好近，幾個站先至260円。

出嚟要先搵到JR博多城，呢度都有排行啦！

大約行十分鐘就到酒店嘞，2人房，幾大間！

咁都唔止，我間房仲有按摩椅，Work架！

對面馬路有間博多天然溫泉，有機會要去浸一浸先。

折騰咗大半日，仲未食嘢，樓下係一間便當店，睇睇先。

嘩！多啦A夢便當，OK喎，又唔會太飽！

今次行程仲有另外三個團友，由於佢哋假期就唔到，

所以直接由香港飛福岡會合，佢哋班機比我哋遲少少，

所以我食完便當就喺大堂等佢哋！

終於見到面嘞！大家要爭取時間搞掂呢幾日啲車飛先。

營業時間都好長喎！至到夜晚12:10，好彩啫！

每人要填一張表，呢度好嚴格，要自己填。

要寫清楚訂邊班車同車號，都好困難架，

好彩我喺香港已經做咗一張表，直接比佢睇就OK嘞！

今次我哋主要玩北九州，所以買咗張5D Pass，9260円，

只要搭2至3程已經回本，而且仲可以坐特色列車指定席添！

大部份都OK，只有其中兩班車劃唔到位，最後都改咗時間嘞。

而家可以安心去食嘢啦！搭地鐵去天神食拉麵嘞！

行行重行行，終於見到目的地啦！

係「一蘭拉麵」本舖，到達啦！

呢間比較特別，樓下係福岡嘅特色：「屋台」！

我哋決定食拉麵，所以要上二樓。

呢間門口有好多手信，食完可以買返屋企添！

又見大家好比心機好自閉咁剔剔剔圈圈圈......

寫乜嘢？大家可以按自己嘅口味調教自己碗麵。

又可以再加麵或者加餸，張紙仲有中文解釋架！

我一向都唔鐘意食拉麵，不過......一蘭除外！

回程lu，今晚大家搭完飛機都好攰嘞，早啲返去瞓啦！

聽日開始至係戲肉呀！九州鐵道之旅，我都係初哥咋！

大家覺豬之際，我就攞番晒啲車飛出嚟分配一吓先，

嘩！今次人又多，搭嘅火車又多，真係好壯觀吓喎！

今日終於人齊嘞！感覺好似聽日先係真正嘅開始，

雖然十幾年前已嚟過九州，但係當時只係跟團，

今次自由行要自己編排行程又係完全唔同嘅感覺，

多謝各位朋友咁放心俾我設計行程，

令我做起嘢嚟都唔會綁手綁腳，感謝！