第四天〈上〉，向曼谷出發。

12月29日〈星期四〉

今日一早起身，同蒲公英一齊食完早餐後，各人就解散返房小休預備出發。





我作為小小領隊，就緊係要打點一下啦，

出到大門，見到有架車停咗喺度，

埋去溝通一下，真係我哋book果架，

都係New Toyota Van， 11人坐位，

司機仲早咗20分鐘到，真係一個愉快嘅租車經驗。




酒店細細，日日食早餐、搭Shuttle bus都會撞到同一班遊客，

離別在即，大家一齊影張大合照啦！

從曼谷機場嚟果時足足3個鐘，返去曼谷就快好多，

兩個半鐘就到嘞！而且日頭坐車睇吓風景，精神好多。

入到曼谷，到處都灰灰黑黑，沙塵滾滾，

諗番過去幾日到處充滿渡假feel嘅華欣，心中有d唔舒服，

雖然係咁，但係我對我哋間酒店係充滿期望架，

登登登......櫈，就係呢度嘞：Cape House。

公寓式住宅，大堂有信箱，方便月租嘅遊客。





不如一齊嚟參觀吓我哋間房吖，有請~~~

呢度係我哋睡房，每間房都會送一隻熊仔，記住攞走呀！





梳妝台同房間電視 ~~~

超大洗手間，其中一面係花灑 ~~~

另一面係浴缸，不過我哋都無用過 ~~~

大廳，係我哋每日掃完嘢食一齊聚會嘅地方 ~~~

買完嘢後，都會將d戰利品喺呢度分享吓 ~~~

廚房，餐具都算齊全，可以買餸煮飯仔 ~~~

最抵讚係呢個洗衣機，真係幫到手，我每日都開機洗衫，

返到香港就將d衫直接放入櫃，從未如此方便過。

只需付出30銖，去樓下便利店買包洗衣粉就得嘞！

返出嚟睇吓客廳，由於我哋6個人book兩間房，所以會喺呢度加床 ~~~

喺房玩餐飽，就去15樓參觀一下先，呢度係一個休息室，可以喺度睇吓雜誌報紙 ~~~

呢度好寧靜，景觀開揚，可以坐一兩個鐘都得 ~~~

重點係：全日免費茶點供應：有蛋糕、果醬撻、曲奇、咖啡奶茶......

如果想食新鮮水果，同職員講佢就會幫你切好晒，如果買到無晒錢，可以上嚟食免費餐吖！

如果想靜d做吓嘢，可以book入面會議室。

洗手間都好有心思，所有抹手布都摺成一件衫嘅形狀。

喺15樓玩完一輪後，再上16樓嘅健身層，

一入嚟就見到一個『L』型嘅泳池，仲有呢個暖水按摩浴池，

今勻一定唔怕凍，落到水啦！

之後果幾晚，我哋都會抽時間落嚟浸下，

幾個人圍埋好似打邊爐咁，好得意架！

另一邊，喺市中心16樓曬太陽嘅地方 ~~~

入到室內，有兒童遊樂場，不過呢幾日都唔見有人使用 ~~~

可以book泰式按摩，不過我哋都無時間做 ~~~

桑拿房，都係無時間玩 ~~~

健身室，有好多儀器 ~~~





而家曼谷都好興住呢d Apartment式酒店，其實都唔知佢合唔合法？

不過，唔理得咁多lu，我哋就好滿意嘞！

呢度價錢平又有免費wi-fi，5分鐘步程就到Chit Lom車站，真係好方便，

唯一美中不足之處，呢度係用電熱水爐嘅，

好似我哋3人一間房，沖涼前要等d水煲熱先，

如果唔係就要沖凍水涼嘞。