第四天〈下〉，濕平第一激！

12月29日〈星期四〉

本來嚟到曼谷都無晒渡假心情，但係見到間酒店咁靚，又開心番！

抖咗一大輪，係時候要出發嘞！



首先，步行去Chit Lom站行街街，到處都靚靚 ~~~





途經四面佛 ~~~

可能係因為臨近除夕；又可能係因為傳聞會有恐怖襲擊；

更可能Central World嘅陰影未除，所以雖然到處人山人海，

但係商場嘅守衛深嚴，出入都經探測器，甚至要搜袋。

但係只要入到商場，處處都營造到歡欣嘅聖誕氣氛。

呢度以bear bear做主題，個個都爭住戴bear bear頭，好可愛呀！

嚟呢度最大任務，係要幫朋友唱錢，

佢之前嚟幫我哋唱定，個兌換率唔錯架，有4.03，

佢仲調查過，附近幾間super rich，

以Big C呢間最抵換，所以我哋都係喺度再換，

好彩換得快，第三日再嚟已經係3字頭嘞，雖然唔係爭好遠，但係個心唔憤氣嘛！

去Big C掃完一輪貨，大家都攰到死，就去商場食海南雞算啦！

想清d就食湯粉啦 ~~~

日式都有 ~~~

味道 ~~~ 一般啦！總之：好味食多d，唔好味就食飽d囉！

咁都唔算貴，5個餐702銖。

又買芝士蛋糕、朱古力蛋糕同甜品返房品嚐，不過，太甜嘞！