食完拉麵，下午即刻搭JR去小樽，我哋搭到去車南小樽站，先行咗銀之鐘一帶先。
好多舖頭門外都有呢D冰雕公仔，龍貓本身好可愛，可惜甩咗隻眼。
卡嘩食呢！
米奇米妮，凍唔凍呀？
去到呢度，兩個小朋友都好主動影相，諾怡最鐘意波兒。
音樂盒，係一個高危嘅地方，唔係咁適合帶小朋友嚟。
但係D燈光確係靚，好適合影相。
表姨媽想買音樂盒，費事兩個細路無聊亂搞，所以俾佢哋去門口玩雪。
呢日極大雪，睇佢兩個幾開心。
全程最鐘意呢張相，睇吓D雪......
行到攰攰哋，去飲杯嘢先，750円一杯連埋個杯同碟，
有一片蛋糕、一次添飲服務，只可選咖啡、奶茶或者橙汁。
干杯！祝大家開開心心，飲完嘢又要繼續行嘞！
飲完嘢好多舖頭都陸續閂門，沿途見到未閂門嘅都入去混吓吉，試食一番！
呢度，點都要攝一攝啦！
影完相入去其中一間小舖食飯，老闆非常熱情。
每人order一款魚生飯，好鬼吸引呀！
『我唔客氣嘞！』『好食！』『多謝！』諾怡用佢識果3句日文，氹到個老闆好開心！
大家都食得好開心，不忘同老闆影張相先，佢哋話佢好似小丸子爺爺喎！
開心到食完要喺門口賣廣告，兩個仲指定要我做呢個動作。
食飽飽行15分鐘就到小樽站嘞，一去到就有車，急急腳上去坐好後，兩個小朋友又開始寫日記。
哈哈. . 龍眼隻眼. . .過嚟我度補番啦 . . .http://blog.yahoo.com/_ZSPKRFG2RV4LPAEJWKL4IGOVIU/articles/568150/index
回覆刪除唔駛問我點解. . . ^O^ 你識得喺南小樽站落車, 升咗呢啦. 讚!! 出拔小路嘅[千]澤崎水產海鮮食堂唔錯, 老板其實好鬼識做生意, 喺狸小嘔4丁目都有一間. . .^ ^
[版主回覆02/05/2012 23:49:30]嘩，你影咗好多雪人喎！好可愛呀！
上年傻更更唔識點行小樽，終於頂唔順上咗架散策，吸取呢次教訓，今次帶小朋友要叻少少。
小樽.....懷念！我一定要影張靚相！
回覆刪除【『我唔客氣嘞！』『好食！』『多謝！』諾怡用佢識果3句日文，氹到個老闆好開心！】
睇到老闆冧到暈陀陀！我都有小小鍾意佢丫^_-.......
[版主回覆02/09/2012 11:45:11]係啦！要試吓影夏之小樽。
但係，大部份時間，我都有少少想『中』佢多d！