初二果日取消咗旭川之旅，大大細細都好失望，
經過商量後，我哋決定都係要去旭出動物園，因為係重點之旅嚟吖嘛！
經過商量後，我哋決定都係要去旭出動物園，因為係重點之旅嚟吖嘛！
方案一：搭旭山動物園號；方案二：搭巴士，
由於唔係日本假期，旭出動物園號都好吉，好輕易就買到飛嘞！
可能係太開心嘞！諾怡行去JR站途中第一次跣低。
好開心呢！終於可以搭旭山動物園號嘞！我好想快D睇企鵝同北極熊呀！
由於唔係日本假期，旭出動物園號都好吉，好輕易就買到飛嘞！
可能係太開心嘞！諾怡行去JR站途中第一次跣低。
好開心呢！終於可以搭旭山動物園號嘞！我好想快D睇企鵝同北極熊呀！
唔好講咁多，快D出發啦！
車箱總共有五卡，每卡都有不同動物造型，仲有企鵝姐姐同我哋影相，係一架好好玩嘅列車。
剛剛果日有個台灣電視台拍嘢，好似係講一家四口北海道之旅嘅故事，
講真，都好干擾吓！
講真，都好干擾吓！
無無聊聊，由內到外都咁無聊，無聊到扮睇書。
呢邊就入型入格啦，唔會浪費任何一分鐘嘅小朋友。ZZZZZZ........ZZZZZZ
終於見到企鵝嘞！不斷聽到大家話：卡嘩依！
佢哋跌吓跌吓咁真係好cute，可惜時間太短嘞！
同企鵝仔近距離接觸。
喺呢邊一睇完，我即刻同佢哋去企鵝館門口再等，因為果度係龍尾，可以睇多次。
去到無幾耐，就有一班幼稚園小朋友嚟排定位，等睇企鵝仔，又讚一次：佢哋真係好有秩序架。
諾怡拍埋幼稚園小朋友旁邊，原來已經好大個lu。
真係大個嘞！好有心機咁睇緊企鵝成長過程。
經過幾小時戶外活動，好凍嘞！不如去嘢啦！
今次呢間比西門出口果間平好多，表姨媽食烏冬，佢話好味喎。
姑姐又食咖哩飯，貪佢有隻半熟卵。
小朋友，唔駛講啦！又係熱氣嘢！
兩姐妳都揀相同嘅餐，但係最搞笑個餐係只可配咖啡，無得改！
第二之大合照，今之仲有雪人添。
扮豹？
諾怡喺呢方面好合作，唔會扭計買嘢，影吓相已經滿足，最後只係買咗一板原子筆。
唔想行果條長樓梯？搭shuttle啦！等開車期間都不忘整古造怪。
要走嘞！玩盡佢啦！
差D跌，但係好開心！
等巴士期間，都要踎底執雪玩。
去到旭村車站，10分鐘內開車嘞！大家急急忙忙去洗手間，上到車啱啱好，
坐定定大家開D零食食吓啦，呢包糖極好味，下次都要再買。
呢幾日搭咁多JR同地下鐵，兩個小朋友都已經好熟手嘞！
仲會記得每去一個地方都搵吓有無印仔。
今日大家都咁開心，就豪一豪佢啦，蝦蟹合戰放題中。
諾怡好鐘意食蟹，食多D啦！蝕少D。
好彩小朋友有半價，平均每人3000円，90分鐘任食。
今日唔算肚餓，點解決一檯食物呢？
最後都順行完成，無再order蟹，反而壽司有翻單，嘉頤食咗11件。
聽日要走嘞！今晚仲要執行李，於是決定豪搭地鐵返去啦！
〈PS：今日發生咗一件事，事緣『蝦蟹合戰4-2店』結束營業，所以要去本店，
但係姑姐唔係好肯定本店正確位置，旅遊書地圖上嘅指示又係錯嘅，
於是姑姐就先安置佢哋喺一個室內嘅地方等，然後就自己出去搵，
都係5分鐘啫，兩個小朋友就玩到鬧交，居然講出『以後無親戚做』呢D對白，
小朋友，你哋知道嗎？點解姑姐要搞呢個旅行呢？
除咗想你哋多D見識外面嘅世界，就係要俾你哋多D一齊玩，製造美好童年回憶，
堂姊妹，係好親嘅親人嚟架，我希望你哋大個都會好似親姊妹一樣，
互相關心，互相扶持，請你哋唔好再講呢D說話嘞！〉
哈哈. . . 蝦蟹合戰 . . .邊個做蝦 ?? 邊個做蟹 ?? 由得佢地鬧吓啦 . . . 小朋友一定要爭吓, 鬧吓, 好吓 . . . 嘿 . . .整多次啦. 睇花就好架啦. . . .不過 . .. 暑假勁貴. . .. btw, 表姨媽食嗰個野菜天婦羅烏冬 . . 我應該食過3次. . 哈哈哈. ok啦
回覆刪除[小肥回覆02/08/2012 18:50:35]哈哈. . . 虛報呢D嘢 . . 開正我嗰飯啦. 我年頭PLAN到年尾, 月月都想出發, 四維搵腳. . .結果, 都系得個PLAN . . .哈哈哈 ^O^
[版主回覆02/08/2012 18:15:36]我都有考慮Kitty機，台灣至北海道七千幾，至於其他Airline，好多價錢都未出，其實都有叫相熟agent幫我哋留機位，但係話就話好多朋友報名，但係咁早又唔知大家d假期就唔就到，好可能到最後好多都係虛報，哈哈......希望到時真係去得成啦！
[小肥回覆02/08/2012 09:14:12]呵呵 . . .夏天係機票貴定酒店貴？ 我諗 - 你出發嘅時候系7月中後, 應該兩樣都貴. . .哈哈哈 ^O^ 不過, ANA package 唔一定唔抵, 睇你想要邊d酒店. 如果去 Tomamu, 十勝, 可能 package 有so . . ..如果, 單計富良野, 美瑛睇花. .咁, 可以住札幌平d 嘅酒店, 咁又可以先book 機位. . . hk air, 大韓, 台灣kitty 都可以諗諗 . . . ^ ^
[版主回覆02/05/2012 23:56:32]呢個道理我都明白，其實鬧交都無所謂，但係最好可以將密度減低少少啦！
夏天係機票貴定酒店貴？我諗我未必買package，不過點都唔貴得過今次，因為，暑假無兩位小姐份，我只需要照顧自己，應該覺得鬆動添！^_^
蝦蟹合戰.....恨 C 人！
回覆刪除記唔記得我哋當年二人食咗個四人餐
折墜到有一星期都唔想再食蝦蟹呢？
無記錯....係 1998 年嘅 X'mas ！
老老實實今次係第幾次北海道遊？
3000 yen 抵到爛！
[版主回覆02/10/2012 09:30:48]寸咀？把口唔食得都仲可以講d尖酸刻薄說話去鍛鍊吓吖嘛！如果唔係就失去功能架嘞！
7449+70？那些年咁平嘅？6天咩？有去大阪咩？呢d反而唔記得咗，我淨係記得去北海道，我哋大家交換羽絨著......好彩以前有晒相，老咗都要搵張安樂椅坐喺度睇吓相。
[Queen回覆02/09/2012 21:32:33]咪咁寸咀喇！有錢人講句野都囂啲.......
應該係 2000年丫！
27/12→1/1/2001
東瀛遊~北海道玩雪溫泉大阪6 天好玩團
團費係7449+70機場稅
合計$7519/位
我以為你有10 次添！富婆！hehehe！
[版主回覆02/09/2012 11:43:11]兩個人食四人份量，不服當年勇！
不過，朋友，你要食多d銀杏，係咪腦退化？
我1999年12月第一次去北海道，記得個個團友仲驚死千年蟲作怪返唔到香港，同你果次起碼都2000年尾啦！今次係......第6次！
無錯，呢d咁戲劇性嘅對白，梗係戲王之王講啦！
[Queen回覆02/08/2012 22:22:21]『以後無親戚做』呢D對白....一定係諾怡講喇！
勁喎！9 歲好似 69 歲咁！