北海道‧冬之旅〈第一天前〉

〈第一天前〉，因為係零晨機，呢日唔計嘅。好多人都怕轉機，
話爭少少不如唔好咁辛苦自己，點解唔搭直航呢？一切都係因為$$$囉，
D円咁貴，慳得一蚊得一蚊吖嘛！不過呢次零晨機嘅經歷真係開心又難忘嘅。

12月25日，零晨機飛台灣。

做好準備，喺日元高企嘅情況下，唱定錢去玩lu！

雖然已經食飽飯，見到飛機餐係點心，忍唔住又食埋。

一落機，所有人四散，真係鬼影都無隻。

但係設施仍然運作，我哋不斷喺T2同T1兩頭走，睇吓邊度最好瞓。

終於搵到呢個轉機室，有電腦上網架，幾好？

睇吓呢D梳化幾好瞓，等4個鐘，容乜易過！

天光lu，叉叉電先，呢幾張按摩椅係免費使用架，只要問職員攞代幣就可以Relax 15分鐘，
只要無人排隊，用完可以再用，叉足電，可以去轉機，正式出發lu。