北海道‧冬之旅〈第五日〉
3點幾終於返到新札幌嘞！發現今日完全未食過嘢，入麥當奴食少少嘢先！
然後，我哋抵擋唔住地道超市嘅魔力，又入去買咗一大堆嘢。
諗住去埋洗手間先搭車，點知又遇到魔鬼嘞，係福袋呀，點算呀？
2000円一大袋，又可以睇到入面嘅嘢，真係好抵呀！但係要.........忍！
因為我哋要趕時間返札幌，今晚有重頭節目：去蟹將軍......旁邊嘅蝦蟹合戰。
11樓，網友都話4-2店嘅好D，所以，唔好問，只要信。
我哋揀咗4200円呢種，可以食齊3種蟹，90分鐘任食唔嬲。
呢個係盛載蟹殼嘅罐，個個都滿載而歸，哈哈！
毛蟹、鱈場蟹、松葉蟹排好晒隊，任君選擇。
隻蟹腳仲長過隻前臂，真係大滿足！
多謝網友提點，喺網上download咗coupon後，我哋就有免費汽水飲lu！
食飽一定要做吓運動先，最好嘅運動緊係......shopping啦！
而家狸小路真係好識做生意，好多舖頭都請咗D台灣留學生做售貨員，
好似呢間咁，除咗溝通無障礙，買嘢仲有9折添。
食得太多蟹，一致通過要食雪糕做甜品。
其中一部份收獲，點解香港無咁多腳趾襪嘅？應該再買多D！
預告：聽日要去一個好浪漫嘅地方，小樽。
Hihi....我現正身在札幌, 想明晚去食蝦蟹合戰, 請問那裡可download 汽水 coupon 呢?? thx!!
回覆刪除[版主回覆01/09/2011 13:04:00]死火，今日晏咗起身，唔知仲趕唔趕得切呢，請睇以下網址
http://r.gnavi.co.jp/h006301/map/
玩得開心D！
我本來都係去 蝦蟹合戰 食架，但係我copy錯左個地址，最終都去唔到。
回覆刪除[版主回覆01/09/2011 13:11:00]咁嘅價錢，OK架！
今次去唔到，下次又再多一個藉口去北海道嘞！
毛蟹、鱈場蟹、松葉蟹排好晒隊
回覆刪除我都想食....引死人
啲腳趾襪係香港未見過.....
雖然我唔著...但好靚....每隻腳趾都有 Pattern
我鍾意灰色同間條紅
[版主回覆01/09/2011 13:10:00]好掛住同你一齊食嘢呢，大家實力相當吖嘛！
好似喺Ice fire同千色店都有嘅，不過無咁多款同埋都係好短，喺呢度見到咁多真係好似執到寶！
所有蟹都係任食? 咁咪好抵囉~ 我想問下 d 蟹新唔新鮮架?
回覆刪除[版主回覆01/13/2011 12:27:00]唔係刺生喎！全部都係熟嘅，但係OK新鮮架，90分鐘，真係最多食到2轉，因為同一時間食咁多都好膩！除咗呢個3蟹Plan，仲有其他選擇嘅。