北海道‧冬之旅〈第二日〉

12月27日〈第二日〉

一早起身即刻搭地鐵去円山公園站，因為今次受人所託，要去北海道神宮買御守。
北海道嘅地鐵都好易搭，而且指示明確，出咗地面行十五分鐘左右就到。

清早嘅神宮好清靜，沿路一直只有我哋三個。

排好隊，好整齊，喺呢個時間突然有一班台灣人經過，即刻熱鬧咗。

好多香港人都有掛上繪馬板，但係咁靚嘅板，好想帶返屋企喎！

由於今日用welcome pass張地鐵飛，可以一日任搭，所以盡量用盡佢。
離開神宮，馬不停蹄去白之戀人趣緻城，今次主要唔係睇景，係去食蛋糕buffet。

1500円任食，限時90分鐘，唔駛訂位架！因為唔會有人同你爭。

睇吓幾多款？單一件都300円啦！我哋3個人，件件都分3份，款款都試勻。

個場好似垃圾崗一樣，而家一D都唔夢幻，搵角度影吓相都呃到人嘅！

上晏咁趕，因為要喺2點鐘返札幌搭酒店shuttle去登別，時間啱啱好，酒店車好抵架，500円一位，沿途可以睇吓風景，坐得又舒服。

4點半準時到達第一瀧本館，放低行李就去行吓溫泉街，又要探吓路，
check吓聽日嘅巴士時刻表，返嚟後喺酒店食咗一個好滿足嘅buffet，
食飽飽就去浸溫泉lu，呢度有好多款泉水，我哋喺溫泉玩足3個鐘先返房覺覺豬。

聽日行程好豐富架，浸完溫泉好好瞓，充滿力量嘞！