又係復活節去台灣〈一〉

2016年3月28日

由於我個Asia Mile積分就嚟到期，咁啱可以換到台灣機票，

一切就好順理成章咁，咪決定呢個復活節又去台灣囉！

我無邀請朋友，自己一個人換好機票訂好酒店，

就close file印印腳等住起飛啦！

後尾朋友問起又想join，咁又變成三人行啦！

不過為咗想經濟啲，就幫朋友訂咗華航，而我自己就搭CX，

由於朋友們都唔熟路，佢哋都有少少擔心架，

我諗住差不多時間上落機，唔駛驚啦！

點知......一早接到e-mail話我班機要delay幾個鐘喎！

咁我班朋友點算呀？

我即管打去CS問問，佢又肯免費同我改番早喎！

指定動作，上上磅先啦，唔該。

我都想去大阪架，不過今次就要中途站落機呢！

 我哋呢啲窮等人家，時時搭廉航，好耐無搭過CX嘞！

 哈哈......終於有電視睇嘞！

 不過就算搭CX，都係食麵包架咋！

 落機後有少少淆底，乜我好耐無嚟過咩，乜唔同晒嘅？

都有少少擔心搵唔番兩個朋友仔，好彩都撞得番。

 話咁快去到酒店，今次住Hotel Relax II，

佢有I、II、III館，都好近台北車站，三人房每晚$978，

房價公道，都算新淨光猛，而且裝修都好新潮吓。

 三人房有個小偏廳仲有張餐檯，方便宵夜，

除咗一般嘅咖啡茶包之外，檯面仲擺咗一籃零食，免費架。

 房間唔算大，所以要用盡空間，衣櫃細細好慳位。

 地方小小，但應有都有啦。

 浴室同廁所係分開嘅。

 無浴缸，係花灑。

 Check in時有飲品coupon送，不過要去對面館飲。

 第一站去試試運氣，探吓Kitty，不出所料肯定無位啦！

 四圍搵食之濟，見到呢面好靚嘅牆，咁有馬拉feel嘅。

 最後去咗食韓嘢，不過......

 中伏了！