2016一人成行初體驗新春大吉沖繩團〈二〉

2016年2月12日

今日第二日，應該係行程最多嘅一日嘞。

今日參加咗一天團，可以解決不少交通問題，

可惜出門口果時，天色麻麻吖。

  今日參加嘅係Hip Hop Bus一天巴士團，

早上8時正要去到懸民廣場集合，

去到已經有職員喺度點名，

職員表示今日呢團滿晒，

即係，我可能會同陌生人坐，無所謂啦！ 

 隨團有一位美麗嘅導遊姐姐，

佢會用日語同英語講解，

就算再唔識聽都唔怕雞同鴨講，

因為上車每人會獲派一個八種語言嘅翻譯器。

 第一站去萬座毛，

萬座毛嘅名稱係來自於琉球國王嘅稱讚

「可容納萬人的草坪」而得名。

毛 - 即係野原咁解。

 最近因強大嘅岩層〈大象岩〉而著名嘅景點，

個個都湧過嚟拍張到此一遊相啦！ 

 第二站係古宇利島。

 呢度有個「亞當和夏娃」嘅沖繩版傳說，

古宇利大橋下面就係古宇利海灘，

如果唔怕成腳沙，可以喺海灘散散步㗎。 

 沖繩四圍都會見到佢哋，佢哋喺沖繩嘅守護獅子「Shisa」，

一隻開口招來健康財富；一隻合口防止邪靈侵害。

 每個旅行團都有嘅行手信舖時間，有沖繩土產：海葡萄。

 仲有好多另一種沖繩土產：黑糖食品。

菠蘿都係沖繩名物嚟架。 

 有好多即食水果，100円一串。 

 仲有好多土產、土產、土產⋯⋯不過我無買。

 行完一輪之後再上車，
導遊姐姐播美麗海水館嘅DVD俾我哋睇。

 海洋博公園都幾大，行到腳仔軟。 

 個團已經包咗入場費，

講真我自己嚟未必會入，$1850咁貴。 

 一入場好多人喎，原來係玩緊親親海星，

有位普通話太太硬係要拎起粒星，

佢老公不斷呼喝佢：「走走走放低，」

太太又用好粗豪嘅聲缐撒嬌，

終於佢老公話：「貼住告示話唔準㗎！」

最後，佢老公贏咗！Yeah！  

 小朋友，你咪賣萌啦⋯⋯ 

 呢個係好多日劇都會見到嘅場景， 

人頭湧湧，都係等梗兩個老大出場啫。 

 巨無霸嚟嘞！魚毛蝦仔通通同我讓開。

 其實鯊魚個樣都係各有性格架，佢幾可愛吖！ 

 依起排牙果時又有啲兇喎！

 呢個呢，佢個樣⋯⋯好⋯⋯蠢噃！ 

 離開水族館，外面都有好多免費區，

好似呢個兒童遊樂場啦！ 

 仲有好人工嘅花博啦！

不過呢道就好難搵嘢食囉，終於搵到個樣子平凡嘅炒飯，

話說係用國產米嘅，又超好味喎！  

旅行團最後一站，去菠蘿園。  

 咁都要600円入場？好彩包埋啫。 

  呢架呠呠車要100円搭一個圈架！

 今日人多，我哋無得揸車，只可以買手信，

我見好多人都買呢個蛋糕嘞！ 

 菠蘿仔細細個，又確係幾cute嘅！ 

 最實際都係可以任食菠蘿。

 最後我都有消費㗎，食咗一個菠蘿雪糕！

 行程完畢，落番國際通，呢道啲Tee舖幾搞笑。

 呢間手信舖賣埋啲嘢古靈精怪，都吸引到我入去行個圈嘅。

 苦瓜係沖繩名物嚟架嘛，做乜坐住佢呀？

  行行重行行，終於俾國際通屋台吸引住。

 食番個沖繩料理先，苦瓜豆腐、魚飯、菠蘿特飲，好味！  

  飯後甜品，今晚，你走唔甩嘞！

 流心架，好好好好味呀！