今早，就利用尋晚喺樓下便利店買嘅食物做簡單早餐。
諗住今日可以去滑雪啦，但係，天氣似乎唔係幾好喎！
而家氣溫2度，唔算好凍，但係雨朦朦咁......噃！
地面又濕又滑，係冰面，似乎......是日不適宜滑雪喎！
我哋住Mountain Condo，過去Ski House好方便，唔駛5分鐘。
反正今日都唔滑，決定搭shuttle四圍去巡視吓啦，
去到第二邊嘅雪道，都有啲人喺度滑梗，不過唔算多人囉。
跟住，又有少少肚餓嘞！
就決定喺Valley Cafeteria度食lunch嘞！
睇吓，冷清成咁，全自助，好似包場一樣。
不過小朋友就好開心啦！四圍搞搞震！
跟住搭shuttle落去古汗火車站，諗住睇吓有無嘢行啦。
唉~~~但係同樣都係好冷清吓！
呢度有個小小街市，入吓貨啦，都要預備今晚果餐架！
的而且確，呢度嘅水果蔬菜又真係比山上便利店平好多嘅。＿
成日睇韓劇都見到佢哋食豬腳，今日食到嘞！
返去巴士站睇吓有無shuttle返酒店啦，
始終都係等唔到，咁就唯有搭的士返去囉！
真係估唔到，去度渡假反而晚晚都有住家飯食添。
期待聽日放晴，起碼可以去玩玩啦！
沒有留言:
張貼留言