好玩台中第一天@ ※ 彩虹眷村 ※

食飽飯，未決定去邊架，本來諗住聽日先去彩虹眷村，

但係而家至四點幾，去到影個黃昏然後回程咪好囉！

於是我哋就去返台中客運站等巴士lu！

呢度等車亂中有秩，我哋要搭27號，要成粒鐘先有一班車！

又搭咗差不多成粒鐘，喺干城六村站落車，遠遠見到公園啦！

喺一片灰灰沉沉中見到七彩繽紛果邊就係嘞！

彩虹眷村而家仲係有人住架，所以大家都要保持安靜噃！

呢度嘅屋唔多，間間都唔顏六色，獨一無二，包唔會認錯啦！

不得不佩服畫家咁有毅力，唔放過任何一個角落喎。

作者就係92歲嘅黃永阜先生，喺呢度住咗三十幾舞架嘞！

為咗表示對伯伯創作嘅鼓勵，

仲有欣賞佢永不放棄嘅精神，我都有捐錢架！

有幾個年輕人經過，將單車泊埋牆邊，出奇地咁襯呀！

慢慢睇，伯伯唔係亂畫架，係有分類架喎，以下係人物篇。

呢個係劉德華先生，你點睇呀？

以下係獨立原創篇：

跟住嚟十二生肖篇：

呢個係公園篇。

有個駐場歌手喺度不停唱歌，但係要小心啲，

因為佢同花碌碌嘅牆已無融為一體嘞！

太多嘞！好難再分類嘞，自己睇啦！

其實呢度好細，影相大約只係需要20分鐘，

臨走前仲可以夠時間影埋合照添！

再來一張吖！

由於網上資料同旅遊書都只係列出去彩虹眷村嘅交通，

而我哋居然完全無諗過點搭車返去添！

於是我哋就向住大馬路行過去啦，

去到十字路口，見到有一架30號巴士停低待燈喎！

雖然唔係站頭，但好心嘅司機見到我哋幾條盲毛，

居然好好心咁俾我哋上車喎，真好！

只係30分鐘左右，就返到台中車站附近嘞！

返去抖抖，又出發去搵食啦！今晚就去一中夜市掃街啦！

同其他夜市差不多，我哋漫無目的咁樣樣食啲啦！

開餐嘞！朋友仔！

最後都要搵間餐廳正正經經坐低食個正餐嘞！

叫吓叫吓，點知成檯都係炸嘢喎！熱氣死嘞！

係時候要走嘞！連主角大熊貓都飲飽食醉嘞！

返去之後仲有好節目，因為酒店對面有一間24小時家樂福，

就算日頭唔得閒買手信，夜晚再嚟買餐飽吖！

差啲忍唔住買咗個蚊拍返嚟添，咁趣緻！