韓國玩雪之旅第六天@樂天世界

食完早餐，見到guest house個職員呀Sue，一齊合個照啦！

佢好好人，而且英文好好。

今日係兒童日，全日暢遊樂天世界。

任玩1 day pass要成44000；齋入場就28000，

其實主要係想細蚊開心啫，大人都唔多需要任玩啦，

所以我哋買咗2張general；2張 1 day pass，平啲吖嘛，

買飛果時，個職員問我有無coupon，吓？coupon？

我一向有planning的話，連食飯都會print coupon，

但係今次，連網都無上，真係失敗！

呢度分成室內同室外兩part，一入場後先玩室內。

20年前同相同嘅團友嚟過，大家都keep得唔錯喎。

最失敗就係排呢個室內熱氣球，差不多要45分鐘呀！

排隊期間可以同朋友仔去旁邊嘅展館影埋trick art添！

室外多數係較刺激嘅遊戲，而且太凍嘞，到此一遊就算嘞！

開餐嘞！食物唔算貴，睇吓佢，示範港人態度：相機食先！

玩咗好多室內遊戲，又影咗好多相。

順帶一提，樂天世界今年25歲嘞！

原來......佢同我係同一日生日架！

玩到6點幾，我同團友決定出去門口間Lotte Mart行吓，

而一家三口就以細蚊為中心，繼續留喺度玩夜啲，

最後大家一齊會合食晚飯，今晚要pack好行李番香港嘞！