早餐維持酒店本色，雖然餐廳細細，但水準OK喔！
入坐食早餐會派一個公仔，放喺檯面，就算行開攞嘢食，
人家見到檯面個公仔，就知道張檯有人，都幾有計喎，
有啲人好似我咁，食飽無聊咪同佢哋做吓運動囉！
食飽就去郵局寄寄信，慢慢行去神鑑大樓，
因為今日預算會搭「台灣好行巴士」去溪頭嘛。
巴士站正正就喺神鑑大樓前，都好易搵，
「台灣好行溪頭線」嘅第一站係干城車站，呢度係第二站，
點知我哋行去巴士站附近，就有一個的士司機過嚟兜客，
係好滋擾果隻，而且附近所有乘客都有相同經歷。
其實我就鐘意搭巴士多啲，但係巴士居然客滿飛站喎！
咁有一個態度好啲嘅司機再拉埋兩個大學生同我哋夾車，
巴士雙程每位NT330，而包車去兩個景點就每位NT600，
唯有照剎啦！因為一日得幾班車，下一班都應該會滿啦！
的士先車我哋去一個中途站，然後轉車上山，
呢程車要另收費啊！位位NT200，
都有好多當地人唔坐車，慢慢行上山架，
以為坐車舒服啲？非也！因為山路巔岥又多彎，
真係非常得人驚，落車後我真係慶幸執番條命呀！
呢一個景點個名好好聽，叫做「忘憂森林」。
還好遇上晴天，地碼都影到以下啲相，
雖不至於係人間仙景，起碼第一眼見到都覺得幾壯觀吖！
其實忘憂森林最靚果時，係夏天有湖水倒影嘅時候，
只怪我哋喺春天嚟，睇唔到最靚嘅景致啫。
以下係官方網頁嘅圖片，真係好靚噃！
但係我又諗，如果真係有咁靚嘅景，我哋都行唔到入去啦！
玩咗一陣行番出嚟，我就打電話call番頭先個司機，
睇吓，一片綠油油，天色好好呀！
話口未完，睇住一陣霧吹過嚟，
仲陰風陣陣添！山上天氣變化真係大呀！
上番的士，去到第二站，就係我哋今次嘅目標：妖怪村嘞！
呢度好似一個日本嘅村落咁，我覺我包裝得唔錯！
呢度係中間個大廣場，去到果時仲有人喺度唱緊歌添。
門口有間妖怪村主題酒店，本來我諗住Book呢度架，
但係我用官網send過資料，又再e-mail過去，
但係都無反應，連「酒店已無空房」都無回覆，我估：
一係就佢哋好落後電腦慢過寄信；
一係就唔想做我哋生意囉！所以最後唯有放棄啦！
呢架巴士旁邊都係一間手信店，包裝得幾靚？
根據呢度流傳嘅故事，妖怪村創辦人松林勝一先生，
喺日據時代響森林入面被小雲豹八豆同黑熊枯麻救番，
所以，佢哋兩個就成為妖怪村嘅代表人物嘞！
呢個似唔似曾志偉啲港產片嘅橋呀？「有間茶樓」！
我哋第一時間就入咗去食嘢啦！因為我哋係餓底吖嘛！
入而有間青山食堂，啲佈置好懷舊好得意架！
四隻蝗蟲，唔知係唔係中咗降頭，食唔死嘅？
食飽又四圍遊覽吓啦，講真真係幾精緻嘅！
萬物皆有因，要睇靚嘢係要付出架，朋友，
放低啲銀兩買手信啦！
玩到四點幾就走嘞！返酒店hea一陣就出發去買太陽餅lu！
先去九個太陽，我......無買嘢喎！
好出名嘅魏清海，都係到此一遊啦！
去埋新太陽堂，間間都話正宗老店，都唔知點揀！
都係番去宮原食雪糕啦！咁夜無人排隊架嘞！
真係花多眼亂呀，揀隻味先！
最後我揀咗伯爵茶配提子霖于酒，真係無揀錯，好味！
我哋以雪糕代酒，干杯！
夜媽媽又唔想再搭車出去食嘢，於是喺附近夜市買嘢食啦！
原來食雞排都有最佳方法？試吓真唔真？
終於買咗大包小包返酒店交誼廳食囉！
沒有留言:
張貼留言