4月19日，10點鐘就去到機場，3隻嘢咁認真嘅？
原來係玩梗個自助check in啫，我哋今次搭香港航空喎！
12:10起飛，13:50就到嘞！又係台北。
清清哋，飛機餐係一個包一杯水，連tray都無，不過我鐘意！
個包熱辣辣，都幾好味架！
喺飛機上面睇咗半套好片，無錯，只不過係半套......
片長121分鐘，本來來回兩程剛剛可以睇晒一套，
但係機長又多嘢講，又好早停晒播電影，所以終於都睇唔晒。
一落機例牌去遠傳出番張咭先啦！NT300五天任上網，抵！
Hi Hi！又見面嘞！
搭飛狗，4:00開車，每位NT140。
我鐘意搭飛狗，因為坐位都好舒適吓！
今次住國聯，之前都未住過，試吓啦！
之前去多啦A夢展都嚟過松山文創園區啦！不過今次無過去。
酒店雖小，但係都有一個小小Lobby。
入房睇睇先，舊嘢就係呢度好，都幾大間房噃！
安頓好就去搵食啦！酒店好近國父紀念館，仲望到101添。
但係未入捷運前，俾我哋見到呢間小舖，
大家都餓嘞！一致決定即刻入去開餐lu。
由呢一餐開始，就展開我哋四隻餓底之旅嘞！
呢餐又平又好味，叫到成檯都係，先至NT920咋！
食飽要行吓先，先去台北車站買定車飛，
然後......又睇甜品？
無錯，我哋又買甜品番去做宵夜嘞！
台北車站個地板好靚，一地都係桐花，好想睇真桐花呀！
行咗成晚，係時候返去啦！聽日先係開始呀！
沒有留言:
張貼留言