好玩台北拜拜嘞

食完早餐就check out嘞，因為唔係住台北車站附近，

要拉住行李搭捷運再轉巴士，都有啲急急哋架，

終於搭到12:15嘅巴士去機場，去到時間啱啱好。

又係玩吓機場嘅時候嘞！

好搶眼喎C7，係用郵政做主題架。

啲景都幾靚架！

嘩！架電單車好靚呀！

分頭行街然後約好喺候機室等，點知，更改登機閘口喎！

去到C6，又見到有新通知嘞，唉！係Delay喎！

終於見到你啦！預備登機嘞！

同嚟果時一模一樣，包加水。

返到香港嘞！有朋友嚟接機噃！真好！

嘻嘻！今晚都仲要食餐勁嘅，真係一個完美嘅句號呀！

好玩又返到台北

返到台中火車站，今次唔返酒店住，去旁邊行行先。

呢度叫做20號倉庫，倉庫有乜好睇呢？

沿住呢條巷仔，個個單位都係充滿藝術氣息嘅展覽場嚟架。

我哋入咗其中一間，真係好有藝術色彩喎！

較啱時間，又要拎返啲行李由長長嘅樓梯去前站嘞。

早咗好多，坐吓啦！咁悠閒。

Bye！台中，上次嚟只係去咗清境，估唔到今次咁好玩噃！

返到台北，又係去返國聯飯店，休息一陣又出發lu，

沿路去捷運站途中，嘩！見到好靚嘅雪條噃！

係Ice Monster，不過要忍吓口，因為仲有好多嘢食未解決呀！

呢間KT伴手禮，夠曬綽頭啦！

唔買都可以入去影吓相架。

個人形燒係即製嘅，好好味！

行行重行行，終於到咗忠孝敦化2號出口嘞！

行到啲橫街窄巷，哈！搵到你哋嘞！

係新開嘅Kiko's Dinner with SANRIO呀。

餐廳細細，到處都係Kitty、Melody、XO、Twin Star......

食嘅嘢就係呢啲美式快餐，

個人覺得......係全程最敗筆嘅一餐！

再落西門町作最後衝刺先，剎呀~~~~~~！

次次都有人喺中間位置表演，今次係豎琴，幾Grand？

鐘意shopping嘅朋友，你哋繼續啦！我返去浸浸先！

好玩台中第三天 @ 天馬牧場

今朝，要搭8:45分火車，目的地係大甲，

Yeah！係彩繪列車，Lucky！

到大甲後要轉的士，因為未嚟過，都擔心會唔會難截車，

好彩呢度大把車，好方便，去到天馬牧場NT200。

入場費NT250，的士會喺中途站停車，果度有個售票處買飛。

一大片空地，有乜好睇......

埋啲，睇清楚啲啦......

再埋啲啦！睇到未呀？係羊？定係馬呀？

答案係佢~~~草泥馬，係咪好Cute呢？

側面都咁靚仔，邊得嚟咁長眼睫毛架？

個樣冧滋滋，可愛得佢吖！

雖然佢好似烏烏糟糟咁，但係，佢起勢keep住個微笑，

又叫人點抗拒呢？好！你贏！

睇吓佢對鏡頭幾敏感？一舉機就拎過嚟笑，你好嘢！

呢度好free架，只要你唔好喺度追佢哋就得嘞，

睇吓，佢哋一啲都唔怕人架喎！乖乖！

其實呢度係有兩個種類架，佢哋就係：羊駝同駱馬，

地方咁大，就任由佢哋自由自在咁四圍走，幾好呀！

相片太多，一次過睇吓佢哋個萌樣啦！

不過咁，俗話有話：十隻手指有長短，Cute唔係必然嘅，

睇吓呢位仁兄，好似人扮咁，有無想打佢呢？

我直情想用筷子夾佢中指，叫佢現形呀！

仲有佢，無水洗面咩？麻煩你剪剪啲陰先啦！學人流海！

喺出面個大草地玩完一輪，入去睇吓傳統嘅動物園先。

一入去見到呢隻大駝鳥，睇佢仲高過個男人好多喎，

我見個男人一路撩佢，搞到佢嬲曬！

你睇佢，只要個男人喺附近，佢就會拍曬翼癲成咁架嘞！

仲有其他動物，唔......都係果啲啦！

好彩頭先攞定司機大佬個電話號碼，

如果唔係都無車返出去呀！

都係NT200，就可以出返去大甲火車站嘞。

一早已經買定火車飛嘞，見未夠鐘，仲可以食餐晏添！

好自助，剔好食乜就放將單喺度，不經人手架！

簡簡單單食咗餐幾好味幾地道嘅午餐，

四個人共NT405，抵呀！食飽就回程嘞！