4月22日〈星期六〉
尋晚一直落雨，搞到個心囉囉鬈。
好彩，個天對我哋好好，今日開始又好天嘞！
一早起身食個簡簡單單嘅自助早餐，
勝在選擇唔多，唔駛諗食乜，但係都幾好味架！
天氣咁好，沿住條斜路漫步去參觀溫泉博物館。
逗留十分鐘左右就離開lu，
好唔好睇？可想而知。
博物館旁有一間幼稚園正在進行戶外教學，
我睇到....其實......到處都有怪獸家長呢！
睇到有一條流水道，又有樓梯，以我哋咁貪玩，
梗係即刻摺起褲腳衝落去玩啦，
呢，對面坐喺水邊果三個老人家咪我哋囉，
張相係3個後生女幫我哋影架。
玩咗一大輪，上到嚟先睇到......
再慢慢行去地熱谷，聞吓D硫磺味先。
味道唔算大，睇到D泉水，好想食溫泉蛋呢。
11：45退房，搭酒店車直接去北投車站，
即係，又同彩繪列車無緣lu。
搭捷運去到台北入住嘅酒店，由於未夠鐘check in，
放低行李就去買嘢嘞，今日同3個小女生分道揚鑣，
佢哋去鶯歌，我哋就決定四圍hea，
先去酒店後面嘅光南，大家都有收獲買到D精品。
下午2:30，去到SOGO諗住食鼎泰豐，
以為無咁多人，點知......要等一個鐘？
太過份嘞！見到呢個call機，就知......
無錯，要去美食廣場食D嘢先。
食完繼續行SOGO，行到9樓，
大家都俾呢間餐廳吸引住。
好開心呀！High tea呀！好高貴呀！
逐格睇吓先，底層係三文治同鬆餅。
中間有蛋糕、果tart同甜餅。
最上面係水果，都唔算貴，
每人有一壺茶或咖啡，盛惠台幣362一位。
離開前都有收獲，好靚嘅包裝呀！
登登登......櫈，係花花型嘅鳳梨酥呀！
放低D戰利品就去師大夜市，人多到......
點都要掃D嘢返酒店食架嘞，
其餘兩位朋友就決定繼續去誠品同周杰倫餐廳。
我就一個人返酒店嘆吓先
，呀！未介紹，
，呀！未介紹，
今次住凱撒，好開心因為佢哋幫我哋upgrade咗，
3個人住商務套房，有兩張雙人床再加床，
有個好大嘅洗手間化妝間同衣帽間，
我哋覺得要拍短片先可以睇到間房有幾大，
所以反而無影相，呢張都係網上揾架咋！
價錢，每位港幣449，好抵呀！
聽日就係我期待已久嘅......清境嘞！
10點先check out，無包早餐，
可以瞓晏D先至起身lu。
Wedgwood 茶具嚟 High tea ...好貴婦...I Like it!仲 HK$100 左右
回覆刪除妳做咩唔去周杰倫餐廳呢？我想睇吓係点架！
[版主回覆04/30/2011 08:46:00]哈哈！雖然我唔識乜嘢係Wedgwood，但係.....感覺良好，遊客，唔係一定要同人哋去旅遊書推薦食肆迫嘅〈懶叻中〉。
周杰倫餐廳？我對商務套房興趣大D。