台北台中兩頭遊〈第一天〉

4月22日〈星期五〉第一天。

中午12時50分，我哋一行五人，

搭中華航空CI606到達台北桃園機場。

今年見到呢個溫馨服務特別有感覺...

聽聞國光最好，點好？都係果句：

『只要信，不要問，』

所以一於搭國光啦，

由機場去到台北車站大約50分鐘，每位台幣125。

約咗朋友喺台北車站等，

會面後立即搭去北投，因為今晚住北投。

新北投車站真係好靚，

可惜今日彩繪列車維修，我哋無緣搭到呢架車。

天文台話會落雨，果然，

一出站就嘩啦嘩啦咁落雨，即刻個心都沉埋......

呢間係今晚入住嘅溫泉旅館：皇家季節酒店。

入到去感覺都唔錯。

放低行李就立即去淡水揾嘢食，

一直都落微微雨，所以無乜遊客。

嘩！好吸引嘅甜品，

不過有團友接受唔到，無得食。

好好味，有D似臘腸，沿途仲食咗花枝丸、

鹽酥菇，我覺得鹽酥菇最好味。

行到最遠條巷仔食阿給。

再加一個魚丸湯，都OK嘅。

呢個就係阿給，好大個啊，食到飽飽。

其中一位團友唔食魚，所以要肉丸，

但係大都好似網球咁，勁呀！

呢枝手工雪條好好好好味，我呢枝係釋迦味，

黑色一粒粒嘅係核嚟，第一次食，讚！

飲飽食醉就返酒店，仍然雨毛毛。

件浴衣都幾靚。

房入面有私人溫泉，不過我覺得只係水喉水啫，

除此之外，其他方面都幾滿意啦！

房間唔算貴，每位每晚港幣414包早餐。

好好休息，聽日要落台北全日hea呀！