今日忽然興起上深圳，但係一踏出福田口岸，
就見到天色好唔對路......好擔心呢！我~~無~~帶~~遮~~啊！
成個的士車程都好大好大雨，好彩，一落車就停雨嘞！今日第一個目標，係去老地方買玩具。
無嚟一排，擴充營業喎！恭喜恭喜！
好快買完要買嘅嘢，係前所未有咁快，因為，我哋都有共同嘅目標，要盡快去到金錢豹，
之前我叫咗好多次朋友都無乜反應，好大原因係佢個名：『金錢豹』，
有人以為佢係唔正經嘅地方，仲有人以為有豹食，笑死我......
之前未嚟過，喺網上都無乜人講，只係知道近地鐵大劇院站，
我哋喺筍崗搭巴士嚟，三個大洋，都好方便，
雖然落遲咗一個站但係都唔算行得好遠，如果搭地鐵大劇院站B出口轉右KK Mall直達。
星期日，5點20分到達，即刻有位，梗係啦，都高消費架，位位人仔238，
所以D食物都好OK吓，淨係杯柑桔蜜都靚過人。
海鮮同刺生都幾多，刺生都有8種，最特別係有鮑魚同甜蝦，D蟹就.....一般啦！
其實現場唔準影相，所以全部都只可以攞返埋位影，呢度都好多細心位，
好似個橙已去皮切好，小食都獨立盛好，最差係......椰汁官燕只有椰汁，完全揾唔到官燕！
最後，好開心喺國內步飛可以食哈根弟雪芭，為求回本，我哋死唔蝕底食晒咁多款。
朋友們，你哋唔駛擔心，金錢豹係正經好嘢嚟架，我個人覺得，好過大飽口福添，下次一齊再去吖！
沒有問題，下次你約齊腳一齊去吧！
回覆刪除[版主回覆04/18/2011 13:10:00]好呀！好想叫埋Winnie一齊去呀！
又話同人去....
回覆刪除間金錢豹都貴喎....成 HK$290
不過好食就值返....抵過 HK 同類 Buffet
話時話間大飽口福...真係把鬼
只係勝在多款及地方大
[版主回覆04/18/2011 13:17:00]你呀，幾時有空呀！你知啦！步飛呢家嘢係我非佛，去多幾次都無問題，而且今次肯定無人趕我哋走，食到你唔食都得。
最開心係甜蝦任食，與其食d唔係好新鮮嘅生蠔，我覺得甜蝦仲回本喎，Check Check佢俾個期嚟吖。
尋日佢叫我做會員我都心郁郁，充值3000蚊會有3500蚊，即係等如85折，成大班人去食，去兩三次都已經用晒3000蚊啦！
喂喂, 我星期六同阿囝去深圳玩一日, 有無興趣呀? 唔知去邊架, 你都知我唔熟路, 你有無好提議呀......
回覆刪除[版主回覆04/28/2011 10:50:00]星期六？約咗嘉頤、諾怡去Disneyland喎！我張Pass就過期，諗住今次用盡佢。
下次吖，有無興趣食呢個buffet呀？好正架！我5月17日要交一份大功課，之後去邊都得！
arm arm 我地星期二都有去, 都好多人, 下次一齊呀 不過我地要平日先去得 我地已經決定食金錢豹啦
回覆刪除[版主回覆04/28/2011 13:13:00]星期二去咗Disneyland？做咗奇妙處處通嗱？我到期唔續lu。
金錢豹............係好嘢嚟架！誠意推薦。