我又嚟嘞雪雪雪雪......北海道〈第四天〉

我又嚟嘞雪雪雪雪......北海道〈第四天〉

12月24日，星期三

一早打開窗，見到白雪紛飛，同尋日完全唔同。

見到有啲旅行團一早就拖住行李走嘞！

早餐都幾豐富架，所以話淨係計食都確係「抵」啦！ 

其實登別除咗浸溫泉之外，主要仲有三個景點：

上次已經去咗熊牧場同登別Nixe海洋公園，

所以今次決定去第三個景點：登別伊達時代村。

其實以前跟旅行團已經嚟過，值唔值得？上次唔嚟都知啦！

不過反正一場嚟到登別，而團友又未嚟過呢道，咪玩吓囉！

話說酒店門口已經有巴士直達時代村，

我哋個站好前，大把位坐，但係好快就坐滿人，

時代村要喺中途落車，所以一定要坐近車頭，否則就好難落車嚕！

去到村口，點都同古代人物影張相先啦！

一睇就知好唔好玩啦！靜過鬼！

村內都係一啲模仿古代嘅生活情境啦！

  

 仲有一啲古代忍者遊戲啦......

 比較值得行個圈嘅就係呢間「忍者怪之迷路」，三分鐘玩完。

 仲有呢間得啖笑嘅「妖怪屋」，笑死！

另外，有兩個忍者show都幾好睇，

點都睇睇啦，唔睇就無嘢玩架嘞！

要走，就有少少頭痕啦！

一日得幾班巴士，頭先嚟果陣架車全滿，相信呢道好難上車啦！

於是我就去售票處試試請他們代call的士，

真好，售票員係一個洋人，流利英文，即刻幫我call車，

等10分鐘左右，就順利上車去登別JR站囉，

我哋先去新札幌，上次行過呢個商場覺得好平民好好行，

今次大把時間，於是可以喺道慢慢行食埋飯！

然後又返札幌Hotel Route Inn宿一宵嚕！