我又嚟嘞雪雪雪雪......北海道〈第三天〉

我又嚟嘞雪雪雪雪......北海道〈第三天〉

12月23日，星期二。

今朝，食飽早餐就搭JR去登別。
到站後，有巴士可到酒店，但係好多人排隊，
於是我哋又再豪一豪佢，搭的士。

 今晚住雅亭，酒店有少少舊〈其實多數溫泉酒店都舊〉，
不過都幾乾淨，而且好抵住，一泊二食每位港幣$562。

大堂都幾大架，不過靜過鬼，好難得先搵到個人幫我寄行李。

 無所事事買圍逛逛啦！

 酒店後面就係地獄谷，又到此一遊啦！

然後又行咗溫泉街，成條街數埋都無20個遊客，

朋友問我：「原來登別係咁架？無人嘅？」

我諗應該時間尚早，旅行團未到啫，

而且今日都唔係公眾假期，係咁上下啦！

有時我都覺得幾矛盾，人多又煩，人少又無氣氛！

行餐飽之後，居然返酒店......瞓晏覺，係咪好過份呢？ 

 今晚住3人房，和洋客房，另一邊係可以開塌塌米嘅。

三人份嘅溫泉餅。 

今晚可以喺度泡泡茶。 

我哋間房望出窗外，可以睇到登別溫泉車站。 

瞓醒未夠鐘食飯，就四圍行吓先，大堂有小童浴衣，

自助式，朋友就攞咗一件著嘞！ 

點解溫泉酒店梗有呢啲遊戲機嘅呢？



仲有好傳統嘅聖誕佈置添。

好啦！夠鐘食飯嘞，今晚係自助餐，長腳蟹任食。

食飽去大堂坐坐啦！因為呢道係唯一有wifi嘅地方。 

而且呢道間手信舖都好好行架，我哋都留咗唔少銀兩喺道。 

食夠抖夠買夠，就去浸浸嘞！
雖然呢道舊舊哋，但係個溫泉好正！
聞說登別嘅溫泉水係白色嘅，水質特別好。 

浸完返房，床已經舖好嘞！可以發個好夢啦！