我又嚟嘞雪雪雪雪......北海道〈第二天〉

我又嚟嘞雪雪雪雪......北海道〈第二天〉

12月22日〈星期一〉

Hea嘅定義，就係想瞓到幾點就幾點，

瞓醒後，開窗睇睇，原來對正JR站。

Hotel Route Inn第二個優點，就係有免費自助早餐。

食物種類都算多，咁就可以日日都精神奕奕去玩啦！

食飽去狸小路行吓，諗住格好價到最後一日至買手信。

以前好似只有幾間免稅，但係而家好多間都免稅，真好！

本來諗住行完街街就去藻岩山睇夜景，

點知全日落大雪，大到行路都有啲困難，

我諗上到山頂一定凍死，

於是我輕輕提議一下「不如唔好去囉！」

仲謊死團友會不滿，點知佢哋仲鬼咁開心！

好啦！第二日就探測到團友意向嘞：佢哋係怕辛苦架！

行飽街就返酒店抖抖，抖完又唔想再出去搵食，

索性喺酒店間居酒屋食飯啦！

以前覺得係天方夜譚，怕無錢俾，

但係香港物價太貴，而家喺日本食嘢就覺得平添，

其實我哋都叫到成檯嘢食架！

埋單先至4000円咋！住客仲有啤酒送添！

 

今日無豐富嘅行程，又無食豪華食物，但係好有放假feel呢！