我又嚟嘞雪雪雪雪......北海道〈第五天〉

我又嚟嘞雪雪雪雪......北海道〈第五天〉

12月25日，星期四

今日，又要拉個小小行李喼離開札幌去個三日兩夜小旅行嚕！

無錯，就係近近哋去極唔厭北海道必遊景點：小樽。

又住極道推介嘅酒店：Dormy Inn，有乜好？

又近又方便又舒適又乾淨又細心又抵住最緊要係早餐極好食。

放低行李執執行裝就出發去第一站：運河。

〈唉冬天最麻煩就係每次出門要執餐飽，怕帶漏嘢就麻煩嘞！

今次我記得帶晒所有頸巾手套暖包，但係帶漏後備電，

咁今次得我一個有上網咭，陣間B組朋友自己一個人飛到嚟，聯絡唔到佢就麻煩嘞！〉 

之後繼續行，諗住行吓街買吓嘢試食吓，

但係今次真係大挑戰，因為今日係十幾裏面最大雪嘅一日，

我見到朋友迎住風雪向前行， 好似睇梗呀信的故事咁呀！

香港人揀冬天去北海道都係想睇雪啫，雪呀~~~

又係雪呀~~~~

好深嘅雪呀！每一步要抆番隻腳出嚟都好好玩架！

要有條好路行，就要靠佢嘞！

終於行到見到希望嘞！食番個Lunch先啦！

咦，呢檔有好多排隊同唔排隊嘅人喎，應該係好嘢，跟啦！

〈其實，呢道無明文規定點排隊，但係只要觀察一陣就可以見到大家嘅自行排隊方式，

係將食物盒放喺前面排好，唔係個人攝攝吓，可惜，多數插隊嘅......都係香港人！〉 

雪藏好嘅串燒，呢啲唔算貴，1000円有3串。 

當然有貴少少嘅選擇啦！而最豪就係出面活生生嘅扇貝嘞！ 

少少哋醫吓肚先，咪睇少佢呀，仲貴過我哋3個人食定食呀！ 

食完又行吓，去睇睇音樂盒啦！ 

行吓行吓已經天黑黑嘞！B組朋友應該差唔多到北海道啦！

但係，呢個時間因為太凍，我個I phone仲自動熄機添！

而且，我發現對腳好似濕濕哋，唔通對腳入咗水？

團友話：「幻覺嚟架，第一日我都覺得對腳濕，原來係太凍啫！」

我試吓攝個暖鞋墊啦，點知......原來對雪鞋真係穿咗嘞！ 

凍多一陣啦！無論如何，都要影吓到此一遊相架嘞！ 

橫掂都濕咗咯，不如豁出去啦！

沿途行番酒店，Check吓群組朋友仲未到，

咁我哋就放低行李去對面商場：買雪靴！

其實喺日本買真係好抵，因為佢哋真係日日著，

價錢平，款式又多，好過去淘寶啦！

買完雪靴，終於等到B組朋友仔嘞，

咁我哋就去商場隨便食個飯，又喺激安同100円shop買一輪，

跟住就返酒店休息嘞，我真心鐘意呢間酒店，

雖然房間細細，但係麻雀雖少，五臟俱全架。 

雖然返嚟太夜已經無晒免費拉麵，但係都去好好泡個溫泉先，

返房連差電器都唔駛開呀，因為床頭書檯已經有，好貼心呢！