北海道仲夏花之旅第六天〈下〉

七月二十九日〈星期日〉第六天

都話今日行程緊密架啦！喺民宿放低行李後，
就去富良野芝士工房參觀一下先。


其實呢啲都係到此一遊嘅景點，十分鐘行完。


雖然無真牛牛，到有隻發聲乳牛俾大家試吓揸牛奶。

如果想參加體驗工房，記住check清潔時間先呀！

點都要有啲增值架，一於試晒咁多款味道嘅芝士啦！



再去另一個到此一遊景點：紅酒工場。

無幫襯，但係試勻咁多種紅酒，死唔蝕底！

離開紅酒工場後，即刻揸車去富良野車站，
因為職員話今日咁多人，應該好難搵到地方泊車，
呢幾日去嘅地方都偽無料泊車，好唔想要俾錢呀，
好彩，最後都俾我哋喺車站附近搵到個位啫。



走到大街，見到四處都佈置好晒，好有氣氛呀！



肚臍祭個公仔好可愛呀！見到佢一定忍唔住要合照啦！



到處都會見到唔同造型嘅肚臍祭公仔。



呢度係集合同化妝嘅地方，呢個小朋友正在準備中。



化好嘞！佢好大方俾我哋影相。



見到啲人喺路邊貼晒紙皮Mark位，我哋都搵個位坐吓先。

 傳統嘅祭典，梗係會出現傳統嘅和服美少女啦！

仲有少男......

仲有可愛到爆燈嘅小女孩......

人越來越多，但係仲有成個幾鐘先開始喎！

一於去搵嘢食啦！呢間壽司好多街坊幫襯，
價錢公道，食物唔錯，個壽司盒一定要讚好！


見牆上展示唔同年份嘅肚臍祭扇，真係恨死隔離呀！

開始嘞！開始嘞！

好cute呀！畫肚果個人嘅畫功都好重要架！

巡遊開始，請細心欣賞！





妹妹都行足成個鐘架，幾搶鏡？



睇完巡遊就起程番民宿~~~新白銀莊嘞！
今次間民宿比尋晚好得多，入去感到好舒服，
老闆係一對老夫婦，老闆娘時時面帶笑容，很友善，
老闆好似好傳統，個樣好嚴肅，英文好好。
番到去盡快返房休息吓先，呢度男女部屋係分開架！

我對呢度非常滿意，客房係我最鐘意嘅日式塌塌米，
有洗衣乾衣機、有公眾浴場同溫泉，仲有冷氣添！




返房無幾耐，老闆送上四件蜜瓜俾我哋做宵夜，
又係我哋最愛嘅蜜瓜，真係越來越鐘意呢度呀！



聽日就要完結花之旅嘞，開始唔捨得嘞！