北海道仲夏花之旅第六天〈上〉

七月二十九日〈星期日〉第六天

嗱！睇吓啦，呢個就係早餐嘞！
不過都俾尋晚個晚餐好少少，起碼都有粒肉吖！


呢一刻最開心，因為要離開嘞！
Bye~~~我肯定唔會掛住你、肯定無下次架！



出發去拼布之路lu，以下時間，請睇相。

吸收咗一個上午嘅天地靈氣後，就起程去富良野嘞！
去富良野之前，先入去途經嘅Trick Art美術館逛一逛先。

啲畫睇落去好有立體感，我哋又係時候要交戲嘞！

可以畫到咁立體真係好神奇。

其實仲有好多畫，影都影唔晒。

玩咗個零鐘，就要繼續上路嘞！因為今日行程緊密吖嘛！
望住咁嘅風景揸車，司機都醒神啲啦！


見到嘞！見到嘞！
見到周圍都有咁多蜜瓜，就知道嚟到富良野啦！

踏入富田農場外面嘅食肆，大家都肚餓啦！
先去好可愛嘅小動物度搭搭檯，
不過呢兩隻小狗係無膽鬼，一直匿喺伯伯身後。




呢度都好窩心，餐廳座位隨處都有叉電位架！



不過太多人買嘢食，要排晒長龍，
呢幾個餐就要等成30分鐘，好彩有蜜瓜補番！

喺度望住個藍天食午餐，真係賞心樂事！

正式踏入富田農場，以下時間，請睇相！

見到咁多蜜瓜，好想買番個返香港，買邊個好呢？

最後決定，買呢個2600円一個嘅蜜瓜，
個職員知我哋拎番香港要擺幾日，
於是幫我揀咗個7日後可以食嘅，唔該晒。

大家開開心心離開農場，向住民宿出發lu！