7月28日〈星期四〉
喺環球玩咗大半日,應該好肚餓架啦,
但係個個都玩到唔肯食嘢,終於3點幾至去食飯,
由於姑姐唔記得帶張免費車飛,要先返酒店,
搞吓搞吓就5點鐘嘞,最佳選擇就係大食代啦。
小朋友對以下呢種食物情有獨鐘。
SG2有四個,即叫即做,有椰絲同花生饀。
大家對製作過程好有興趣,買到老闆都認得佢哋囉。
知道係乜未?呢個就係玄機嘞。
Parco足足食咗10個。
佢就係牛車水“嘟嘟糕”嘞。
飲飽食醉,去天台玩玩水先。
永遠都係見水就失控,終於又係濕晒。
番入商場見到Crocs,即管入去睇睇,貴到~~
呢d手袋好別緻,lan模又上身。
係佢主動要求影架,天生post狂。
叫佢望鏡,佢話見到d model都係唔望鏡喎。
對面有間cold storage,入去瞄瞄,無乜收獲。
行入少少,原來有間超大超市:Giant,
大到好似嘉樂福咁,掃手信啱晒。
我哋仲喺度買貓山王,坐喺街邊食,好正!
返到去,見到間好吸引嘅糖果店,於是入去逛逛。
小小購物車,諾怡行埋去都覺得太細架。
好嘢!買到手信俾同學仔同妹妹lu。
安置好d細路,我哋幾個大人去賭場見識吓,
又話唔準著短褲拖鞋背心,樣樣都有人著。
最後,梗係輸啦,我輸咗9個7毫半呀。
哈哈. . . 輸SGD9.75 . . . 你都有辦法 你呢程有個POST皇 . . . 掂呀 一D都唔駛怕悶
回覆刪除[版主回覆08/13/2011 18:04:00]係呀!番到房d細路問我玩乜輸咁多,我都係答玩包剪揼囉。
無錯,有post王確係幾有娛樂性,但係佢同時都係小氣王、鬧交王、絕食王、多事王、多手王..........集於一身呢!
諾怡好掂
回覆刪除〝 叫佢望鏡,佢話見到d model都係唔望鏡喎。〞
識作狀....個樣好招積
我都未見過 Crocs 袋....上網淘都得喇
貓山王....我未食過....一定好好味