再遊新加坡〈第二天〉

7月26日〈星期二〉

今日真係好攰，本來預咗半日去新加坡動物園，然後再去科學館，
都知係好趕架嘞，諗唔到居然喺動物園會玩咗成日，最後唯有放棄科學館啦！

9點多出發去Bugis Junction食早餐，

去到9:45，但係全部嘢都未開 ~ 包括早餐，

只有吉野家同麥記有早餐食，於是分兩組進行。

10:15，搭的士入動物園，避開繁忙時間，

的士費都好平，好過地鐵轉巴士，時間就係金錢嘛。

例牌梗有幾隻鸚鵡喺門口招呼大家架啦！

千祈唔好慳少少錢，加SG5就可以無限任搭呢架車，

真係好幫到手好抵搭，我哋靠佢慳番唔少力架。

下午去Food Court食飯，如果同海洋公園比較，

價錢都算公道，平均$50幾蚊一個餐〈未計飲品〉。

食番個差不多餐餐都出現嘅海南雞飯先，

嘆一陣冷氣又要起程lu。

點解姑姐要幫人拎住晒d嘢？有乜嘢吸引晒d細蚊？

咪就係呢個Water play囉，動物園入場劵已經包咗，

所以都好抵玩，我無計劃俾佢哋入去玩，

因為plan咗聽日要去『wild wild wet』，

但係班細蚊見到水已經癲咗，不顧一切走去玩。

呢個大水桶真係好吸引。

聽到噹噹響就會有好多人圍嚟睇。

究竟諾怡睇咩嘢睇到咁開心呢？

請留意下一篇的動物寫真編啦！

回程好方便，喺大門口有旅遊巴直達市區各個站，

只要話俾賣飛個哥哥仔聽你個目的地，

佢就會喺你張車飛背面寫低個站名，一定唔會錯。

由於太攰，兩個小鬼一上車就變死豬lu，

至於姑姐就好唔得閒嘞，因為識咗個摩洛哥靚女，

一路傾到落車，不過最後趕唔切交換e-mail。

直接搭車去somerset 313，貪佢個food court夠乾淨，

而且有個小型戶外遊戲場地，班小鬼又精神晒！

又有無限嘅精力lu。

食完嘢，去義安城食four season嘅榴槤pancake，

今次終於有人陪我食嘞！Yummy Yummy。

今日攰到C，聽日要轉酒店嘞，要早d瞓先得。

記住睇埋動物寫真編先好瞓呀！