7月30日〈星期六〉
今日要走lu!一早起身,門口有份早報,
份報紙放喺一個好精緻嘅架入面,好靚。
為咗想玩盡,我哋約咗6:30食早餐。
天都未光,咁早唔駛排隊,選擇又多。
麥片都有好幾種,仲有小童版,
小朋友可以自己話事。
果汁多到唔知飲邊款好。
食到8點即刻換衫去游水,玩完仲有時間晒泳衣。
執好行李嘞!全喼都係我最愛嘅~~美~味~米!
真係好唔捨得,最後喺露台影張相先。
返到香港嘞,順利完成呢次六天之旅,
雖然未齊人,都嚟個小合照啦!
終於揾到美味米.....勁 !
回覆刪除香港、深圳我都有留意....無見過
入埋咁多可以慢.....慢食
只係一半人影合照...六位去咗边呢
[版主回覆08/20/2011 19:17:00]你想唔想食吓美味米,回味一下呢?而家我屋企大把貨呀。
有d人走先,得番得哋7人個喺機場食埋晚飯至走,其中一個揸機吖嘛。
哈哈, 美味米 . . . .好難搵 出句聲啦 . . .
回覆刪除[版主回覆08/20/2011 19:06:00]係呀!係喺香港好難搵,唔通你知邊度有得買?
咁做美味米拆家嘅妳好分啲嚟食吓
回覆刪除喂!妳個喼一係入維他檸 Tea...一係美味米...
我諗埞妳去荒島齋比一喼美味米同維他 0 Tea 妳都捱到 2 Week
我都好鐘意食美味米架!香港得惠康、小型士多有賣。我有次去沙巴買過蕃茄味呀!不過我最 鐘意食芝士味。你入咁多綠色,雞味?
回覆刪除[版主回覆08/27/2011 17:12:00]Wing,其實我可能只係因為童年回憶至所以咁鐘意啫,而家連惠康都無嘞!所以先至喺新加坡大量入貨,無錯綠色係雞味,我都有買芝士同番茄味架。
哈哈, 放幾日假, 輕鬆吓啦. . . 中秋節快樂!!! 食多d, 開心d
回覆刪除