好玩海南島第三日 - (2)

 

下半場再出去沙灘，今日咁啱係酒店員工競技日，佢哋分成唔同部門比賽，好熱鬧，好開心喎！

 

今日仲大浪過尋日，所以都係唔可以游水。

 

酒店都有水上活動，D水上電單車喺度排晒隊，不過我哋無玩。

 

仲有沙灘排球添。

 

又玩咗成日嘞，係時候執好行李走嘞，真係唔捨得！

 

拜拜嘞海南島沙灘，I'll be back！

 

今晚我哋決定唔再信酒店餐廳，所以出嚟明珠廣場旁邊嘅春園食海鮮。

 

呢度好多熱鬧，好似去咗泰國咁。

 

呢度食野係自選海鮮，之後佢哋加工，咁多間都唔知點揀好。

 

呢間個名入型入格，因為坐鎮嘅老闆就係一個光頭佬，就佢啦！

 

好似好衛生咁喎，全部包好晒！

 

我哋總共order咗八個餸，有白灼蝦。

 

幾好味嘅炒野菜。

 

比酒店OK嘅文昌雞。

 

一般嘅炒聖子。

 

白灼唔知乜野螺。

 

好味嘅椒鹽賴尿蝦。

 

物超所值嘅青衣。

 

最後仲有一鍋蟹粥，4枝汽水，盛惠380，咁豐富嘅晚餐仲抵食過酒店下午茶。