今次我同爸爸、媽媽、姑姐、Ｃｉｎｄｙ一齊去海南島旅行，我第一次跟旅行團，好緊張呀！
上午１０點幾飛機，喺候機室等上機，先同飛機影張相先。
出發前天色昏暗，個天好似唔係幾開心喎！
上機ｌｕ，影張相先。
天上嘅白雲好靚呀！
１個鐘頭機程，你睇，好接近地面啦！
機場造型係個大菠蘿，幾得意！
食完午飯第一站去睇珍珠，然後就嚟鹿回頭風情園，聽呀黑哥介紹吓Ｄ植物同風族。
睇吓Ｄ鹿，佢哋好似好肚餓咁。
佢哋係咁行埋嚟，搞到我呱呱叫。
飲完好好味椰青，跟住仲去咗睇軍刀，然後去大東海望咗一眼，之後就去超市入定呢兩日嘅貨。
晚飯自己加錢飲咗個椰子焞雞，３０蚊一個，真係好好味。
仲有好香嘅椰子飯。
食完飯返酒店啦，我哋住三亞凱賓斯基渡假酒店，呢間酒店真係好靚好靚架！
以上呢Ｄ就係呢幾日嘅儲量勒，仲有水果同埋十幾樽汽水都未入鏡，不過一Ｄ都唔誇張，因為我哋會喺度住幾日嘛。
仲有好重要嘅泡泡浴、面膜同溫泉粉。
這次是你期待已久的海南島旅程,第一次乘飛機有甚麼感覺呀,請你發表一下?
回覆刪除[版主回覆08/01/2009 18:38:00]其實呢次唔係第一次搭飛機，因為細細個都有搭飛機去南京，不過今次係第一次去旅行，所以好緊張，雖然無飛機餐食，但係一樣好開心，因為瞓得好舒服。
嘩！豆乳風呂我鍾意呀！美麗日記呀
回覆刪除「滑滑呀嘟嘟似豬膏咁滑,牛油蛋撻無咁滑
迷人面珠我好想錫一啖，味香滑，如食新鮮蛋撻」
[版主回覆08/02/2009 00:07:00]我哋嘅裝備同你比起上嚟，濕濕碎啦！