2015聖誕除夕關西城崎食買浸〈六〉

1月1日〈第六天〉
今日都係我哋行程重點之一：福袋日
買福袋最好去outlet啦！因為實會開吖嘛！
今次目標係神戶垂水三井outlet。



喺JR出閘後，跟住人潮方向行，見人龍好長，
原來係日本人新年嚟神社祈福，嚇得我吖！



發現原來跟錯隊，好彩有Google再加埋路牌，好快搵到方向嘞！



搵到嘞！今日都好多人嚟outlet喎！

目標好明顯啦！



行完一個圈視察過後，食少少嘢先。

好啦！食完晏就開始福袋巡禮啦！
New Balance，我哋好多時都會嚟買佢嘅波鞋，
但係唔知福袋入面有啲乜呢？

Adidas，有福袋同福桶，係大熱之選。

可惜佢無show出福袋內容吖。

今年Edwin童裝，好似麻麻哋，出局！
以前勁好多架，有衫有褲有裙有羽絨架。

Crocs，雖然無show出嚟，但係都可以喺旁邊拉開拉鍊偷睇到。

今次另一目標係買童裝，因為應承咗幫同事買，
首先見到呢間，其實我都好鐘意，但係朋友嫌佢太女仔。
可惜佢只係啱二至三歲吖，我家姪女又唔啱著喎！

而且個售貨員好好人，打開晒俾我睇，仲可以俾我自己配搭添！

呢set又勁靚，而且，係有羽絨架，所以幫朋友買咗一set。

中童都有，但係太日系，香港女孩子未必啱，好似太扮嘢！

OL精選，一萬円已經可以襯得好靚靚，精精神神去返工！

買得俾細姪女，又要買俾中間果個啦，
少女買波鞋就啱嘞！應該都安全嘅。
〈雖然後來我發現佢從來無著過對鞋！〉

買完嘞！睇吓我呢個港燦，將啲貨散曬喺地下執，真失禮！

化整為零，搞掂曬！咁就唔駛大包小包咁麻煩啦！

由天光買到天黑，1月1日嘅outlet真係可愛。

喺outlet食埋飯先，嚟大阪咁多次，第一次食大阪燒！
但係唔係好似電視劇咁自己煎煎吓，係有專人服侍嘅，

港人精神：相機食先。

一層一層加上去，最後加蔥同加蛋，食得！

即係咁，我就唔係好鐘意果陣酸味嘞！但係都幾好玩嘅。

想豪啲？可以再加幾隻蠔格！

想飽肚啲就叫炒麵啦！係正常味嘅。

起筷啦！快啲食完要快啲返去休息嘞！

今晚又有綠茶雪糕做甜品，Yummy，發個好夢啦喂！

2015聖誕除夕關西城崎食買浸〈五〉

12月31日〈第五天〉
今日開始唔可以咁悠閒嘞！因為，我哋而家係喺大阪呀！
早起的鳥兒有蟲吃，我哋一早起身穿過道頓堀河去搵食啦！

我哋唔係去食蟲，係去黑門市場見識吓日本家庭主婦點準備過除夕啦！

真係見識到啦！好似我哋行花市咁囉！

我估係可以雙腳離地，自然會俾人迫到向前行架嘞！

入嚟超級市場，可以鬆一口氣，起碼無出面條街咁多人吖嘛！

以前覺得雞泡魚好特別，但係呢道周街都係。
咁貴一條魚，買返去都唔識食啦！

其實仲有好多其他海鮮，雖然民宿有廚房，但係我哋無諗住下廚噃！

最多嘅係水果，點揀好呢？

賀年期間限定版蘋果，好卡哇兒呀！

睇吓個價錢，應該仲貴過香港。

我哋嘅目標係士多啤利，呢啲似係送禮用嗰噃！

呢啲正常啲，適合今晚即食。

嘩！呢期好流行嘅白色士多啤利呀！咁......貴嘅？

買唔起一盒？就算買一粒都唔係幾捨得呀！

反而蜜瓜又唔算太貴喎！可能唔係當造啦！

跟住行去千日前道具屋筋商店街行吓啦！

有好多餐廳用嘅餐具，我覺得好似油麻地咁。

日本啲餐廳食肆，好多都有特別嘅裝飾，呢啲已經係小兒科嘞！

雖然唔知有乜用，但係好想買返嚟。

無機會時時食蟹，買返嚟得閒睇吓摸吓都好吖！

行到中午，係時候食飯啦！但係，人多成咁......

見到呢間有位，唔駛諗，即入！

每人一款，都OK！大時大節，搵到食已經好滿足。

跟住去咗美國村，幫自己買咗對Reebok Pump Fury，好開心！

轉個彎又再掃過，係來自北歐嘅生活百貨店：Flying Tiger。

呢道好多平價家居雜貨玩具文具，買到停唔到手。

買到四肢無力，但係幾攰都好，都一定要嚟呢道排隊。

又係必食list入面嘅其中一間：Eggs'n thing，
又叫每人一款pancake，呢次真係飽死！

跟住果幾粒鐘，我哋一張相都無影，因為我哋去咗行藥房，
係，係行咗幾粒鐘藥房，因為我要幫好多人買嘢，
終於，買到連100円shop都行唔到，無時間啦！今晚閂七點呀！

行咁多，又要補充吓，就呢間啦！鍋物點都好過又食定食吖嘛！

個樣好好睇，不過就唔夠飽架，好彩下午食咗pancake唧！

回程經過Big Camera，見到傳說中擔定櫈仔等天光買福袋嘅情境呀！

今晚飯後果，紅、白士多啤利。

講真，我唔覺得白色士多啤利有幾好食啫！

反而另一個必食list「芝士味雪米糍」，真係堅好味，所以第二晚都Encore咗！